Sınoptıkter aldaǵy birneshe kúnniń aýa raıyna boljam jasady
« Qazgıdromet « RMK málimetinshe, sýyq antıtsıklon Qazaqstan aýmaǵynyń basym bóliginde óz áserin saqtaıdy.
«Túnde aýa temperatýrasynyń nóldik máni saqtalady jáne eldiń soltústik aýdandarynda jaýyn-shashynnyń toqtaýy kútiledi. Respýblıkanyń batysynda ǵana soltústik-batystan aýysyp kele jatqan tsıklon áserinen aýa temperatýrasy birtindep kóterilýi múmkin», - delingen habarlamada.
Jalpy aldaǵy kúnderi eldiń soltústik jartysynda – tuman, jel kúsheıedi, ońtústik-batysynda jáne ońtústiginde qumdy daýyl turýy yqtımal.
«Qazaqstannyń soltústiginde, shyǵysynda jáne ortalyǵynda túngi aýa temperatýrasy 3-10 gradýsqa deıin, kúndiz 0-5 gradýsqa deıin tómendeıdi, ońtústikte kúndiz 13-23 gradýsqa deıin, ońtústik-shyǵysta 5-13 gradýsqa deıin, respýblıkanyń batysynda kúndiz termometr 17-30 gradýsqa deıin kóteriledi», - dep naqtylady meteorologtar.