Sınoptıkter 22 maýsymǵa arnalǵan aýa raıy boljamyn jarııalady

NUR-SULTAN. QazAqparat - Sınoptıkter 22 maýsymda el aýmaǵynda aýa raıy qandaı bolatynyn aıtty, dep habarlaıdy QazAqparat.

Qazgıdromettiń málimetinshe, tsıklon men atmosferalyq fronttardyń áserinen Qazaqstan terrıtorııasynda turaqsyz aýa raıy saqtalady. Jańbyr jaýyp, naızaǵaı jarqyldaıdy.

Kúndiz elimizdiń ońtústik-shyǵysynda qatty jańbyr jaýady. Respýblıka boıynsha jel kúsheıip, burshaq jaýady, shańdy daýyl turady.

Aqmola oblysynda naızaǵaı oınap, jel kúsheıedi, túnde soltústiginde, ortalyǵynda ekpini - 15-20 m/s, kúndiz oblystyń basym bóliginde 15-20, soltústiginde 25 m/s deıin kúsheıedi, kúndiz oblystyń soltústiginde, ońtústiginde shańdy daýyl soǵady.

Almaty oblysynyń taýly aýdandarynda kúndiz kún kúrkirep, ońtústiginde, shyǵysynda jáne taýly aýdandarynda jel ekpini 25 m/s jetedi.

Kúndiz Túrkistan oblysynyń taýly aýdandarynda naızaǵaı oınap, daýyl turady, naızaǵaı kezinde jeldiń kúshi 15-20 m/s bolady.

Batys Qazaqstan oblysynyń soltústik-shyǵysynda naızaǵaı, burshaq, daýyl soǵady. Kúndiz oblystyń soltústik-shyǵysynda jel qarqyny - 15-20 m/s.

Kúndiz Atyraý oblysynyń batysynda, soltústiginde, ortalyǵynda naızaǵaı kútiledi, kúndiz oblystyń batysynda jel 15-20 m/s deıin kúsheıedi.

Mańǵystaý oblysynyń soltústiginde, ońtústiginde, ortalyǵynda jel jyldamdyǵy 15-20 m/s jetip, shańdy daýyl soǵady.

Kúndiz Aqtóbe oblysynyń soltústiginde, shyǵysynda, ortalyǵynda kún kúrkireıdi, oblystyń soltústiginde jel ekpini - 18 m/s.

Qostanaı oblysynyń batysynda, soltústiginde, shyǵysynda naızaǵaı, burshaq, daýyl kútiledi, jel 25 m/s deıin kúsheıedi.

Soltústik Qazaqstan oblysynyń soltústiginde, shyǵysynda - naızaǵaı, burshaq, daýyl bolady, kúndiz basym bóliginde jel ekpini 23-28 m/s jetedi.

Túnde Pavlodar oblysynyń soltústiginde, batysynda, shyǵysynda kún kúrkireıdi, naızaǵaı kezinde jeldiń ekpini - 15-20 m/s.

Kúndiz Qaraǵandy oblysynyń soltústiginde, shyǵysynda sekýndyna 15-20 metr jyldamdyqpen jel soǵady.

Kúndiz Shyǵys Qazaqstan oblysynyń batysynda, soltústiginde, shyǵysynda naızaǵaı oınaıdy, jel ekpini 15-20 m/s deıin kúsheıedi.

Kúndiz Jambyl oblysynyń ońtústiginde, taýly aýdandarynda naızaǵaı, burshaq, daýyl kútiledi, oblystyń ońtústik-batysynda, soltústik-shyǵysynda, taýly aýdandarynda jel 15-20 m/s deıin kúsheıedi.