Sınoptıkter 19 óńirde aýa raıyna baılanysty eskertý jarııalady

ASTANA. QazAqparat – Elimizdiń birqatar óńirinde aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.

Túnde Abaı oblysynyń basym bóliginde qar jaýady. Oblystyń soltústiginde jaıaý burqasyn kóteriledi. Jel ońtústik-batystan soǵady, oblystyń ońtústiginde ekpini 15-20 m/s deıin jetedi.

Aqmola oblysynyń batysynda, ońtústiginde tuman túsedi. Batystan, soltústik-batystan jel soǵady, kúndiz oblystyń soltústiginde, shyǵysynda ekpini – 15-20 m/s.

Aqtóbe oblysynyńshyǵysynda, batysynda kóktaıǵaq, soltústiginde, ortalyǵynda tuman kútiledi. Aqtóbe qalasynda tańerteń tuman túsedi.

Almaty oblysynyń ońtústiginde jáne taýly aýdandarynda qatty jaýyn-shashyn (jańbyr, qar), tuman kútiledi. Ońtústik-batystan túnde oblystyń soltústiginde, ońtústiginde jáne taýly aýdandarynda 18-23 m/s jel soǵady.

Almaty qalasynda keı ýaqytta qatty jaýyn-shashyn (jańbyr, qar), tuman túsedi.

Astana qalasynda keı ýaqyttarda tuman túsedi.

Atyraý oblysynyń batysynda, ońtústiginde, soltústiginde kún tumandy.

Shyǵys Qazaqstan oblysynyń basym bóliginde qar jaýady. Oblystyń soltústiginde, shyǵysynda jaıaý burqasyn soǵady. Jel ońtústik-batystan soǵady, oblystyń ońtústiginde ekpini 15-20 m/s deıin jetedi.

Erteń táýlik boıy, 23 qarashada túnde Jambyl oblysynyń soltústik-shyǵysynda, taýly aýdandarynda qatty jaýyn-shashyn (kóbinese jańbyr) jaýady. Oblystyń soltústik-shyǵysynda, taýly aýdandarynda tuman, kóktaıǵaq kútiledi. Ońtústik-batystan soqqan jel soltústik-shyǵys jeline aýysady, oblystyń ońtústik-batysynda, soltústik-shyǵysynda, taýly aýdandarynda ekpini 15-20 m/s, erteń táýlik boıy, 23 qarashada túnde ekpini 23-28 m/s-qa deıin jetedi. Taraz qalasynda túnde jáne tańerteń tuman túsedi.

Jetisý oblysynyń taýly aýdandarynda qatty jaýyn-shashyn (jańbyr, qar), tuman kútiledi. Ońtústik-batystan jel soǵady, oblystyń shyǵysynda ekpini – 17-22 m/s.

Túnde jáne tańerteń Batys Qazaqstan oblysynyń soltústik-batysynda, soltústiginde tuman, kóktaıǵaq kútiledi. Oral qalasynda túnde jáne tańerteń tuman, kóktaıǵaq bolady.

Túnde Qaraǵandy oblysynyń soltústiginde tuman túsedi. Oblystyń soltústiginde, ońtústiginde jaıaý burqasyn kóktaıǵaq kútiledi.

Qyzylorda oblysynyńsoltústiginde, ortalyǵynda tuman túsedi. Qyzylorda qalasynda tuman kútiledi.

Mańǵystaý oblysynyń soltústiginde, ońtústiginde tuman túsedi.

Kúndiz Pavlodar oblysynyń soltústiginde, batystan jel soǵady, ekpini – 15-20 m/s.

Kúndiz Soltústik Qazaqstan oblysynyńsoltústiginde, shyǵysynda jaıaý burqasyn kútiledi. Batystan, soltústik-batystan jel soǵady, oblystyń soltústiginde, shyǵysynda ekpini 15-20 m/s-qa deıin jetedi.

Kúndiz Túrkistan oblysynyń taýly aýdandarynda qatty jaýyn-shashyn (jańbyr, qar) jaýady. Oblystyń batysynda, soltústiginde, taýly jáne taý bókterli aýdandarynda tuman túsedi. Ońtústik-batystan jel soǵady, oblystyń soltústiginde, taýly aýdandarda kúshi 15-20 m/s, taý asýlarynda ekpini 23-28 m/s-qa jetedi.

Shymkent qalasyndatúnde jáne tańerteń keı ýaqytta tuman túsedi.

Ulytaý oblysynyńbatysynda, ońtústiginde tuman túsedi.