Sınoptıkter 12 óńirde eskertý jarııalady

NUR-SULTAN. QazAqparat – «Qazgıdromet» RMK 27 shilde kúni aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, Nur-Sultan qalasynda naızaǵaı oınap, jeldiń kúshi 20 m/s deıin jetedi.

Qyzylorda oblysynda jel batystan, soltústik-batystan soǵady, kúndiz oblystyń ortalyǵynda kúshi 15-20 m/s jetedi. Óńirdiń basym bóliginde tótenshe órt qaýpi saqtalady.

Batys Qazaqstan oblysynyń soltústiginde, shyǵysynda naızaǵaı, burshaq boljanady.

Túnde Aqmola oblysynyń batys bóliginde, kúndiz batysynda, soltústiginde, ońtústiginde naızaǵaı, burshaq bolady. Ońtústik-shyǵystan jel soǵady, kúndiz ekpini 15-20 m/s jetedi.

Mańǵystaý oblysynyń soltústiginde naızaǵaı oınap, túnde jáne tańerteń batysta tuman kútiledi. Kúndiz oblystyń ońtústiginde 38 gradýs qatty ystyq bolady.

Túnde Aqtóbe oblysynyń soltústiginde, shyǵysynda, kúndiz soltústiginde, batysynda naızaǵaı, burshaq boljanady. Batystan, soltústik-batystan jel soǵady, naızaǵaı kezinde ekpini 15-20 m/s artady.

Jetisý oblysynda ońtústik-shyǵystan jel soǵady, óńirdiń shyǵysynda kúndiz ekpini 15-20 m/s jetedi. Oblystyń basym bóliginde tótenshe órt qaýpi saqtalady.

Abaı oblysynyń ońtústiginde 36 gradýs ystyq bolady. Tótenshe órt qaýpi saqtalady.

Qostanaı oblysynyń soltústiginde, shyǵysynda, ońtústiginde naızaǵaı, burshaq, daýyl kútiledi. Soltústik-shyǵystan jel soǵady, oblystyń soltústiginde, shyǵysynda, ońtústiginde kúshi 15-20 m/s artady.

Túrkistan oblysynyń taýly aýdandarynda soltústik-batystan jel soǵady, kúshi 15-20 m/s quraıdy. Óńirdiń basym bóliginde tótenshe órt qaýpi saqtalady.

Kúndiz Pavlodar oblysynyń batysynda naızaǵaı oınap, ońtústik-shyǵystan jel soǵady. Naızaǵaı kezinde jeldiń ekpini 15-20 m/s jetedi.

Túnde Soltústik Qazaqstan oblysynyń ońtústik-batysynda, kúndiz soltústiginde, batysynda naızaǵaı kútiledi. Soltústik-shyǵystan, shyǵystan jel soǵady, kúndiz óńirdiń soltústiginde, batysynda jyldamdyǵy 15-20 m/s artady.