Synyptasy men muǵalimdi pyshaqtaǵan oqýshy sot sheshimimen psıhatrııalyq emdeýge jiberildi

<p>PAVLODAR. KAZINFORM - Pavlodar oblysy qylmystyq ister jónindegi mamandandyrylǵan aýdanaralyq soty kámeletke tolmaǵan adamdy óltirýge oqtalý faktisi boıynsha qylmystyq isti qarady. Bıylǵy mamyr aıynda Pavlodardaǵy №14 orta mektebiniń oqýshysy synyptasy men muǵalimdi pyshaqpen jaraqattaǵan edi.&nbsp;</p>

Qylmystyq is jabyq sot otyrysynda qaraldy, sondyqtan qylmystyń mán-jaıyn ashý múmkin emes. Aıyptalýshy J.-nyń isi Qylmystyq kodekstiń birneshe baby boıynsha qaraldy.

Sot ambýlatorlyq jáne statsıonarlyq sot-psıhıatrııalyq saraptamalaryn ótkizý arqyly aıyptalýshy J.-nyń esi durys emes jaǵdaıda qylmys jasaǵanyn anyqtady. Soǵan sáıkes prokýror men jábirlenýshiler 17 jastaǵy bozbalaǵa psıhıkalyq aýrýynyń bolýyna baılanysty medıtsınalyq sıpattaǵy májbúrleý sharalaryn qoldanýdy surady. 

«Qylmystyq kodekstiń 16-babynyń talaptaryna sáıkes, qoǵamǵa qaýipti is-áreketti jasaǵan ýaqytta esi durys emes kúıde bolǵan. ıAǵnı sozylmaly psıhıkalyq aýrýy, psıhıkasynyń ýaqytsha buzylýy, aqyl-esiniń kemdigi nemese psıhıkasynyń ózge de dertke ushyraýy saldarynan óziniń áreketteriniń is júzindegi sıpaty men qoǵamǵa qaýiptiligin uǵyna almaǵan nemese olarǵa ıe bola almaǵan adam qylmystyq jaýapkershilikke tartylmaıdy. Mundaı adamǵa medıtsınalyq sıpattaǵy májbúrleý sharalary qoldanylady», - dep túsindirdi óńirlik qylmystyq ister jónindegi mamandandyrylǵan aýdanaralyq soty. 

Sot sheshimimen J.-nyń psıhıkalyq aýrýynyń bolýyna baılanysty oǵan psıhıatrııalyq statsıonarda májbúrlep emdeý túrindegi medıtsınalyq sıpattaǵy sharalar taǵaıyndaldy. 

Qaýly zańdy kúshine engen joq. 

Eske sala keteıik, mamyr aıynda Pavlodarda mektep oqýshysy synyptasy men muǵalimine pyshaq jaraqatyn saldy. 

Al, qyrkúıekte Pavlodarda 6-synyp oqýshysy eki balany pyshaqtady. 

Sondaı-aq Pavlodarda kolledj stýdenti oqytýshyǵa pyshaq jaraqatyn saldy.