Singer baıqaýynyń fınalynda mıkrofon úzilip Dımashtyń daýsy báseńdep qaldy - Qytaı saıty
Internet qoldanýshylarynyń aıtýynsha, ándi aıtyp kele jatyp, sońyna qaraı Dımashtyń daýysy múldem báseńdep ketken. Juptyq óner kórsetý barysynda tek Dımashtyń juby Shań Venjeniń daýysy ǵana estilgenin aıtady jankúıerler.
«Sonymen qatar, taǵy bir qytaı ánshisi Djań Bıchyn de án aıtyp kele jatyp, ortasyna kelgende mıkrofonnan aqaý shyǵyp, daýysy múldem estilmeı qaldy. Osylaısha, ánshi mıkrofondy jaqyndatyp aıtýǵa tyrysty. Internet qoldanýshylarynyń boljamy boıynsha, Djań Bıchyn sahnaǵa shyǵyp án aıtyp jatqan kezde, mıkrofonnan aqaý shyqqanyn sezip, mıkrofonǵa jaqyndaý arqyly óziniń daýysyn kótermek bolǵan. Ekeýi de aıtarlyqtaı tanymal ári myqty ánshiler, sahnada mıkrofonnan aqaý týyndaǵanyna qaramastan, olar jaqsy óner kórsete aldy. Sońynda Dımash ekinshi orynǵa ıe bolyp, Djań Bıchyn altynshy oryn aldy. Bul aıtarlyqtaı jaqsy nátıje», - dep jazady Qytaı saıty.