«Singer-2017»: Qytaıda Dımash túsirilgen vıdeolar buǵattaldy
Áleýmettik jeli paıdalanýshylary Dımashtyń ánderin tyńdaı almaı jatqandyqtaryn, onyń vıdeolary ashylmaı turǵandyǵyn jarysa jazǵan. Keıinirek bundaı jaǵdaı ne sebepti oryn alǵany belgili boldy.
Ifeng.com saıtynyń habarlaýynsha, «Hýnan TV» telearnasynyń saıty men «Iqiyi.com» saıtynda «Singer-2017» baıqaýynyń alǵashqy 5 kezeńiniń tolyq vıdeolary buǵattalǵan. Oǵan baıqaý qatysýshysy Tán Jın esimdi ánshige baılanysty oqıǵa sebep bolǵan. Onyń qandaı oqıǵa ekendigi ázirshe belgisiz.
Bul eki saıt - baıqaýdyń beınekórsetilimin negizgi taratýshy aqparat quraldary. Saıttarda Tán Jınniń vıdeolaryn shekteý maqsatynda tolyq nusqadaǵy vıdeolardy da buǵattaǵan. Onyń ishinde qazaqstandyq Dımash Qudaıbergenniń de óner kórsetken sáti qamtylǵan. Jankúıerlerdiń jappaı jazyp jatqan pikirleri osy oqıǵaǵa baılanysty bolsa kerek.
Al, basqa ánshilerdiń jeke ózderi ǵana túsirilgen beınerolıkterin kórýge shekteý qoıylmaǵan.
Aıta keteıik, Tán Jın atalǵan baıqaýdyń 3-shi jáne 5-shi kezeńderinde birinshi oryn alǵan.