Sıngapýrda vaktsınalanbaǵan 12 jastan asqan turǵyndar kópshilik jerlerge jiberilmeıdi
Chılı úkimeti el turǵyndaryn COVID-19-ǵa qarsy vaktsına alýdy jalǵastyrýǵa shaqyrady. Atap aıtqanda, Densaýlyq saqtaý mınıstri Enrıke Parıs indetten aýyr jaǵdaılardy nemese ólimdi boldyrmaý úshin azamattardy ımmýndaý mańyzdy dep sanaıdy. Eki aıǵa jýyq atalmysh elde koronavırýs pandemııasyna qatysty ahýal jaqsara bastaǵan bolatyn - kúnine 300-ge jýyq jaǵdaı. Al keıingi úsh kún qatarynan táýligine 1 myńnan astam oqıǵa tirkelip otyr.
«Ókinishke oraı, reanımatsııa bólimshelerine túsetin nemese COVID-19-dan qaıtys bolǵan adamdar – vaktsına almaǵandar», - dedi Parıs.
Densaýlyq saqtaý mınıstrligi 10 qazanda ınfektsııanyń jańadan 1105 deregi anyqtalǵanyn jáne 10 ólim jaıdaıy bolǵanyn habarlady. Osylaısha, koronavırýs juqtyrǵandardyń jalpy sany – 1 662 443, qaıtys bolǵandar sany 37 564 jetti. Búgingi tańda Chılı halqynyń 88,98% COVID-19 vaktsınasynyń eki dozasyn aldy, al 3,7 mıllıon adam kúsheıtkish dozasyn jasatqan.
Vaktsınatsııaǵa qarsy adamdar úshin jeńildikter joq. Sıngapýr úkimeti epıdemıologııalyq jaǵdaıdyń nasharlaýyna baılanysty 12 jastan asqan vaktsınalanbaǵan turǵyndarǵa kópshilik jerlerge barýǵa tyıym salatyn erejeler qabyldady. Jaqynda karantındik shekteýler joıylǵannan keıin indetke shaldyqqandar sany tez arta bastady. Qazirgi ýaqytta juqtyrý faktisi táýligine 3,5 myńnan asady.
Sondyqtan, 13 qazannan bastap COVID -19 vaktsınatsııasynyń tek tolyq kýrsynan ótken azamattar ǵana tamaqtaný oryndaryna bara alady. Qalǵandaryna tamaqty ózderimen alyp ketýge ruqsat berilgen. Sonymen qatar, eki vaktsınany da alǵany týraly sertıfıkat bolǵan jaǵdaıda iri saýda ortalyqtaryna barýǵa bolady.