Sıngapýrda koronavırýstyń ósýine baılanysty karantın kúsheıtildi
14:42, 23 Shilde 2021
NUR-SULTAN. QazAqparat - Sıngapýrda koronavırýs ınfektsııanyń ósýi sanıtarııalyq shekteýlerdiń kúsheıýine ákeldi. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.
Sıngapýrda COVID-19 aýrýy salystyrmaly túrde az bolǵanyna qaramastan el bıligi jańa karantındik sanktsııalar engizýde. Ótken táýlikte koronavırýstyń jańa túrin juqtyrýdyń 181 faktisi anyqtaldy, kórshi eldermen salystyrǵanda bul asa kóp emes, Úkimet COVID-19 taralýyna qarsy qatań kúres sharalaryn engizýge nıetti. Sıngapýrdaǵy qoǵamdyq tamaqtaný oryndary klıentterge taǵamdy tek alyp ketý arqyly qyzmet kórsetedi, al el turǵyndaryna eki adamnan artyq toptasýǵa tyıym salynady.