Sıngapýr prezıdentine Nazarbaev ýnıversıtetiniń Qurmetti professory ataǵy berildi
Prezıdent Halıma ıAkob 1978 jyly Sıngapýr Ulttyq ýnıversıtetiniń zań fakýltetin úzdik bitirip, 2001 jyly sol oqý ornynda magıstr dárejesin alǵan. Eńbek jolyn Ulttyq kásipodaq kongresinde bastap, Bas hatshynyń orynbasary, Zań qyzmetteri departamentiniń dırektory jáne Áıelderdi damytý hatshylyǵynyń dırektory qyzmetterin atqardy. Mansap barysynda ol sonymen qatar Áleýmettik qyzmetter ulttyq keńesiniń keńesshisi jáne Sıngapýrdyń Qoǵamdyq damý, jastar jáne sport mınıstri qyzmetin atqarǵan.
Búgin elordadaǵy Nazarbaev ýnıversıtetinde Halıma ıAkob «Arystan qaladan - Uly dalaǵa» taqyrybynda dáris oqydy. Óz sózinde spıker din máselesin de kóterip, Sıngapýrda ártúrli dinı, etnıkalyq toptar bar ekenin atap ótti.
«Biz ár adamnyń ózi úshin mańyzdy jáne qolaıly dindi nemese konfessııany tańdaı alaryna senemiz. Ár adam óz senimin tańdaýǵa quqyly. Biz dinı kóshbasshylardy shaqyryp, óz tájirıbelerimen almasatyn arnaıy sharalardy jıi uıymdastyramyz. Jaqynda ǵana biz úkimettik emes uıymdar qatysatyn «Garmonııa» chempıondar baǵdarlamasyn iske qostyq. Bul bastamanyń maqsaty – konfessııaaralyq úılesimde chempıon bolý», - dedi Halıma ıAkob.
Sıngapýr Prezıdenti Qazaqstannyń kópdindi, kópkonfessııaly dıalogty ilgeriletýdegi tájirıbesin mysalǵa keltirdi. Qazaqstan jyldar boıy álemdik dástúrli dinder kóshbasshylarynyń sezin ótkizip keledi. Onyń aıtýynsha, mundaı konferentsııa 2019 jáne 2022 jyldary Sıngapýrda da ótkizilgen.
«Sıngapýrdyń yntymaqtastyq baǵdarlamalary aıasynda bizde azamattyq avıatsııa, qarjy jáne t.b. salalarda óte jaqsy seriktestik qatynastar ornaǵan. Búgingi dáriske shaqyrǵandaryńyz úshin alǵys aıtqym keledi. Bul jeke meniń rızashylyǵym ǵana emes, Qazaqstan men Sıngapýr arasynda áriptestik qarym-qatynastyń bar ekendiginiń belgisi. Biz sizdermen birge óskeleń urpaq úshin jarqyn jáne gúldengen bolashaq quryp jatyrmyz», - dedi Halıma ıAkob dáris qonaqtaryna.
Aıta keteıik, Sıngapýr Prezıdenti Halıma ıAkob Qazaqstanǵa memlekettik saparmen kelgen edi.
Sondaı-aq, Qazaqstan-Sıngapýr bıznes forýmy aıasynda 275 mıllıon AQSh dollaryn quraıtyn 12 qujatqa qol qoıyldy.