Sıngapýr Prezıdenti: Qazaqstanmen aradaǵy áriptestik nyǵaıyp keledi

ASTANA. QazAqparat – Sıngpaýr Prezıdenti Halıma ıAkob Qazaqstan-Sıngapýr bıznes-forýmynda Qazaqstan Prezızenti Qasym-Jomart Toqaevty memlekettik saparmen shaqyrǵanyn málim etti, dep habarlaıdy QazAqparat tilshisi.

«Qazaqstan Prezıdenti Qasym-Jomart Toqaev ekeýimiz birneshe memleketaralyq kelisim men ózara túsinistik týraly memorandýmǵa qol qoıdyq. Sondaı-aq, eki el arasyndaǵy ınvestıtsııalyq kelisimge qol qoıyldy. Bul kelisim Qazaqstan, Sıngapýr, Eýrazııalyq ekonomıkalyq odaq arasynda ınvestorlardyń quqyqtaryn qorǵaý baǵytyndaǵy áriptestiktiń negizgi kilti bolmaq», - dedi Sıngapýr Prezıdenti.

Sondaı-aq, bul memlekettik sapardyń eki el arasyndaǵy dıplomatııalyq qatynastyń 30 jyldyǵyna dóp kelgenin atap ótti.

«Qasym-Jomart Toqaevtyń qoldaýynyń arqasynda aradaǵy qarym-qatynas nyǵaıa túsedi dep úmittenemin. Sıngapýr Toqaev myrzanyń memlekettik saparmen kelýin taǵatsyzdana kútedi. Búgingi forým óte kóp isker basshylardyń basyn qosqanyna, olardyń ishinde sıngapýrlyq kompanııalardyń 20 ókili bar ekenine qýanyshtymyn. Olar Qazaqstandaǵy múmkindikterdi zerdelep, eki eldiń de ekonomıkasyn ártaraptandyrýǵa múddeli», - dedi ol forýmnyń ashylýynda sóılegen sózinde.