Sıngapýr 35 jyldan keıin mysyqtardy úıde ustaýǵa ruqsat bermek

<p>ASTANA. KAZINFORM &ndash; Sıngapýrda 2024 jyldyń qyrkúıeginde 1989 jyldan beri qoldanylyp kele jatqan mysyqtardy páterlerde ustaýǵa tyıym salatyn erejeler ózgeredi.</p>

Búginde mysyqtardy páterde ustaýǵa ruqsat joq. Erejeni buzǵandar 4 myń sıngapýrlyq dollarǵa deıin (2970 dollar) aıyppul arqalaıtynyn atap ótken jón.

Dese de, erejeni elep jatqan eshkim joq. Kórshiler mysyqtardyń ıelerine shaǵymdanǵanda ǵana zańmen baılanysty problemalar bolýy múmkin. Euromonitor International esebine sáıkes, 2023 jyly Sıngapýrda shamamen 94 000 úı mysyqtary tirkelgen. Bul - 2019 jylmen salystyrǵanda 10% kóp. 

Tyıym salýdy alyp tastaý týraly sheshim Sıngapýr azamattarynyń yqpalymen qabyldanbaqshy. Qoǵamdyq keńes saýalnamaǵa qatysqandardyń shamamen 90% páterlerde mysyq ustaýǵa ruqsat berý oryndy dep esepteıtinin anyqtady.

Osylaısha, 2024 jyldyń qyrkúıeginen bastap memleket menshigindegi páterde eki mysyqqa deıin, sondaı-aq ruqsat etilgen (tuqymyna baılanysty) bir ıt ustaýǵa bolady. Dese de, ıeleri úı janýarlaryn ıelenýdiń tegin onlaın kýrsyn aıaqtap, úı janýarlaryn tańbalap, tirkeýge tıis. Sondaı-aq, janýarlardy qorǵaý úshin terezelerge tor ornatý mindettelmek.