Syn saǵatta qarap tura almadyq – jármeńke ótkizip, túsken aqshany tasqynnan zardap shekkenderge jibergen oqýshylar

<p>ÓSKEMEN. KAZINFORM &ndash; Shyǵys Qazaqstan oblysy Ulan aýdany Qasym Qaısenov orta mektebiniń oqýshylary sý tasqynynan zardap shekken óńirlerdiń jurtshylyǵyna qolushyn sozǵylary kelgen. Sóıtip, olar ata-analarynyń kómegimen túrli taǵamdar ázirlep, sony jármeńkede satyp aqsha tapqan.</p>

Barlyǵy jınalǵan 100 myń teńgeni túgeldeı kómek retinde jiberdi. Kazinform tilshisi izgi nıetti, eńbekqor oqýshylar men olardyń bastamalaryna qoldaý kórsetken mektep dırektoryn áńgimege tartyp kórdi. 

«Kóktem kele sala qyzyl sý Batys óńirlerdiń halqyna úlken qıyndyq týdyrdy. Sony kórgen oqýshylarymyz tasada qalmaı, óz kómekterin kórsetkisi keldi. Jármeńke ótkizip, odan túsken aqshany sý tasqynynan zardap shekken otbasylardyń balalaryna jibersek degen ıdeıalaryn bizge aıtqanda qoldaı kettik. Muǵalimder men ata-analar olardyń bul bastamalaryn iske asyrýǵa kómektesti», - deıdi mektep dırektory Ásem Hamıtqyzy. 

Foto: Kazinform

Osylaısha, oqýshylar úılerinde túrli taǵamdar, táttiler pisirip ákelgen. Mektep aýmaǵynda jármeńke uıymdastyrylyp, saýda-sattyq qyzydy. Ústelde tort pen baýyrsaq, keks pen quımaq ta turdy. 

«Jármeńkeni ótkizbes buryn ár synyptyń starostalaryn, oqýshylaryn jınadyq. Ózara aqyldasyp, kim úıden ne ázirlep ákeletinin kelistik. Áıteýir, bári oıdaǵydaı boldy. Jármeńkege adam kóp keldi. Barlyǵy 100 myń teńge aqsha taptyq. Sol aqshany «Biz birgemiz» qoryna jiberdik», - deıdi mekteptegi «Jas ulan» uıymynyń prezıdenti Arman Mels. 

 

Foto: Kazinform

11 synyp oqýshysy Dılnaz Muqanova syn saǵatta qarap tura almaǵandyqtaryn, osy sharany ótkizý mektep ujymynyń, ata-analar men oqýshylardyń aýyzbirshiliginiń arqasynda múmkin bolǵandyǵyn atap ótti. 

«Sý tasqynynan zardap shekken halyqpen birge ekenimizdi bildirip, olarǵa sabyr men shydamdylyq tilegimiz keledi. Aldaǵy ýaqytta taǵy da osy sekildi qaıyrymdylyq sharalaryn ótkizsek deımiz», - deıdi ol.

 

Foto: Kazinform

Mektep dırektory meıirimdilik tanytyp, qaıyrymdylyq jasaýǵa degen nıetterin kórsetken oqýshylaryn maqtan tutatynyn jetkizdi. 

«Olardy keleshekte bıikten kóretinime senimdimin! Qanattary talmaı, alǵa qadam basa berýlerine tilektespiz. Osy sátti paıdalanyp barsha qazaqstandyqty 1 mamyr – Birlik kúnimen shyn júrekten quttyqtaǵym keledi. Birlikten, yntymaqtan aıyrylmaı, bir-birimizge qıyn sátte kómek kórsetip, járdem berip júreıik. Elimiz damı bersin!», - deıdi Ásem Hamıtqyzy.