SІM: Taılandta zardap shekken Qazaqstan azamattary joq

ASTANA. QazAqparat - Bangkoktaǵy úkimetke qarsy jappaı qaqtyǵystarǵa baılanysty zardap shegip, Taıland Koroldigindegi Qazaqstan Elshiligine kómek surap kelgen qazaqstandyq azamattar joq.

Bul týraly «QazAqparat» tilshisine Taılandtaǵy Qazaqstan dıplomatııalyq mıssııasynyń hatshysy Erlan Jetibaev habarlady.

«Qazaqstan Elshiligi shtattyq rejımde jumys jasaýda jáne sol eldegi ishki saıası ahýaldy jiti baqylaýda ustaýda. Qazirgi ýaqytta QR SІM jáne Taılandtaǵy Qazaqstan Respýblıkasynyń Elshiligi Qazaqstan azamattaryna Bangkokqa qandaı da bir sapar jasamaý jónindegi usynysy jasaldy», - delingen habarlamada.

Sonymen qatar Taıland SІM jáne Taılandtaǵy Qazaqstan Elshiliginiń derekteri boıynsha, jeksenbi kúni Bangkokte oryn alǵan qatty jarylysta qaza bolǵan nemese jaraqat alǵandardyń qatarynda QR azamattary anyqtalmaǵan.

Eske sala keteıik, 23 aqpanda Taıland astanasy Bangkokte demonstranttar jınalǵan jerde bomba jarylyp, 3 adamnyń, sonyń ishinde 1 balanyń ómiri qıylyp, 10 shaqty adam jaraqat alǵan bolatyn.

Taılandta úkimetke qarsy aktsııa bes aıdan beri ótýde. Osy ýaqyt aralyǵynda 22 adam qaza bolyp, 700-den astamy jaraqattandy.