SІM shetelde qujat rásimdegeni úshin alynatyn konsýldyq tólem mólsherin bekitpek

ASTANA. QazAqparat – «Shet memlekettiń aýmaǵynda konsýldyq áreketter jasaǵany úshin konsýldyq alym mólsherlemelerin bekitý týraly» Syrtqy ister mınıstriniń buıryǵyna ózgerister engiziledi, dep habarlaıdy QazAqparat tilshisi.

«Azamattyq hal aktilerin tirkeý týraly qaıtadan kýálikterdi berý úshin myna konsýldyq alym mólsherlemeleri belgilendi: 25 AQSh dollary, 20 eýro, 20 fýnt sterlıng, 25 frank, 1 420 rýbl, 165 ıýan», - dep jazylǵan «Ashyq» NQA portalynda jarııalanǵan qujatta.

Sonymen qosa, endi konsýldyqtar nekege turýǵa jáne ultyn ózgerýge baılanysty ótinishterdi qospaǵanda, atyn, ákesiniń atyn, tegin aýystyrýdy tirkeý jáne tıisti kýálikter berý men qajetti materıaldardy resimdeý qyzmetin kórsetpeıdi.

«Jańa tártipke sáıkes atyn, ákesiniń atyn, tegin aýystyrý týraly ótinish ótinish berýshiniń tańdaýy boıynsha QR aýmaǵyndaǵy kez kelgen tirkeýshi organǵa beriledi. QR sheginen tys jerlerde QR sheteldegi mekemesi ótinish pen qujattardy qabyldap, olardy QR aýmaǵyndaǵy tirkeýshi organǵa jibere alady. Bul rásim konsýldyq alymnyń jeke mólsherlemesi kózdelgen akt jazbalarynyń ózgerýine, tolyqtyrylýyna, túzetilýine jáne qalpyna keltirilýine baılanysty qujattardy resimdeý sheńberinde júzege asyrylady», - dep túsindirme berilgen buıryqqa.

Qujat 17 sáýirge deıin kópshilik talqylaýda bolady.