SІM Sankt-Peterbýrgte qazaqstandyq ІІM zeınetkeri jazataıym jaǵdaıda kóz jumǵanyn rastady

NUR-SULTAN. QazAqparat – QR SІM resmı ókili Aıbek Smadııarovtyń habarlaýynsha, qazaqstandyq ІІM zeınetkeri Vıacheslav Jeksenovtiń ajaly ustamasy ustap, baspaldaqtyń qulaý saldarynan bolǵan, dep habarlaıdy QazAqparat tilshisi.

«Bizdiń dıplomattar polıtsııa ýchaskesine baryp qaıtty. Málimetterdiń bárin aldyq. Ol shynynda da, Qazaqstan azamaty. Aldyn ala nusqa boıynsha, onyń ajaly zorlyq-zombylyqtan kelmegen. Onyń ustamasy ustap, baspaldaqtan qulap qalǵan. Mundaı aqparatty bizge reseılik polıtsııa qyzmetkerleri usyndy», - dedi Aıbek Smadııarov SІM-de ótken baspasóz máslıhatynda.

Aıbek Smadııarov bul oqıǵaǵa qatysty reseılik polıtsııadan tolymdy málimet kútilip otyrǵanyn jetkizdi.

Eske sala ketsek, Sankt-Peterbýrgte 62 jastaǵy qazaqstandyq ІІM zeınetkeri Vıacheslav Jeksenovtiń mert bolǵany buǵan deıin habarlanǵan edi. RF Tergeý komıteti qalalyq Bas tergeý basqarmasynyń BAQ-pen baılanys basshysynyń aǵa kómekshisi Sergeı Kapıtonovtyń aıtýynsha, 2020 jyldyń 21 qańtarynda qaza tapqan 1957 jyly týǵan zeınetkerdiń ólimine qatysty tergeýge deıingi tekserý jumystary júrip jatyr.

«Jazataıym jaǵdaı bolǵan degen nusqa bar. Ol ıshemııalyq aýrýmen aýyrǵan. Esinen tanyp qaldy degen boljam bar. Ol óz denesimen birdeı bıiktikten qulap, jabyq bas súıek-mı zaqymyn alǵan», -dedi S.Kapıtonov.