SІM resmı ókili Ózbekstannyń UQShU-daǵy músheligin toqtatý týraly sheshimine baılanysty túsinikteme jasady

ASTANA. 29 maýsym. QazAqparat - Búgin QR Syrtqy ister mınıstrliginiń resmı ókili Altaı Ábıbýllaev Ózbekstannyń Ujymdyq qaýipsizdik sharty uıymynda músheligin toqtatý týraly sheshimine baılanysty túsinikteme jasady.

«Ózbekstannyń UQShU quramynan shyǵýy týraly máselege toqtalatyn bolsaq, atalǵan eldiń Syrtqy ister mınıstrligi uıymnyń hatshylyǵyna tıisti notany joldady. UQShU hatshylyǵy bekitilgen tártipte uıymǵa múshe barlyq elderge habarlady», - dedi A.Ábıbýllaev. Resmı ókildiń sózine qaraǵanda, atalǵan másele UQShU jarǵysyna sáıkes sheshiletin bolady jáne bekitilgen tártipte uıymǵa múshe elderdiń deńgeıinde qarastyrylady. «Osy másele UQShU-ǵa qatysýshy elderge zerdelenip jatyr. Bizdiń turaqty ókilder bul máseleni turaqty ári qalypty jolmen talqylaıtyn bolady», - dedi ol.