SІM ókili shetelge shyǵatyn qazaqstandyqtarǵa keńes berdi

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov shetelge shyǵatyn qazaqstandyqtarǵa qaǵaz kúıindegi qujattardy ózimen únemi birge alyp júrýge keńes berdi, dep habarlaıdy QazAqparat tilshisi.

«Bizde tsıfrlandyrýdyń alǵa ketip qalǵandyqtan kóptegen qujatty telefonnan-aq kóre alamyz. Osyǵan úırenip qalǵanymyz sonsha, shetelge shyqqan kezde ózge elde de sondaı qyzmet alamyz dep oılaımyz», - degen Aıbek Smadııarov saqtyq úshin kez kelgen qujattyń qaǵaz kúıindegi nusqasyn birge ala júrýge keńes berdi.

«Sondyqtan meniń aıtar keńesim mynaý. Shetelge shyqqan kezde tipti elektrondy bılet bolǵannyń ózinde tirkeý kezinde problema bolýy múmkin. Ózderińizben birge saqtyq úshin qaǵaz kúıindegi qujattaryńyzdy birge ala júrińizder», - dedi SІM resmı ókili.