SІM Grýzııada joǵalǵan qazaqstandyqqa qatysty aqparatty tekserýde
«Bizdiń Grýzııadaǵy elshilik Mestıanyń mýnıtsıpalıtetimen baılanysqa shyqty. Anyqtalǵandaı, tabylǵan týrısterde eshbir qujattar bolmaǵan. Endi olardyń kim ekenin tıisti organdar anyqtaıdy. Qaıtys bolǵandardyń aty-jóni men ólim sebebi tıisti saraptamadan soń belgili bolady. Biz osy máseleni aıryqsha baqylaýda ustaýdamyz», - dedi QR SІM baspasóz qyzmetiniń jetekshisi Aıbek Smadııarov.
Esterińizge salsaq, 2016 jyldyń shilde aıynda Grýzııa taýlarynda astanalyq Sergeı Trofımov joǵalyp ketken edi. Sodan beri ol týraly eshbir aqparat kelip túspedi.
Aıta keteıik, buǵan deıin eki adamnyń denesiniń tabylǵandyǵy týraly buqaralyq aqparat quraldary habarlaǵan bolatyn. Aldyn ala boljam boıynsha, qaıtys bolǵandar biraz ýaqyttan beri taýda joǵalǵan sheteldik týrıster bolýy múmkin.