SІM Astana protsesi datasynyń bekitilýin kútýde

ASTANA. QazAqparat - Sırııadaǵy axýaldy turaqtandyrýǵa arnalǵan Astana protsesiniń ótetin kúni taraptarmen áli bekitilgen joq, dep habarlaıdy QazAqparat tilshisi    

Bul týraly búgin Úkimet otyrysynan soń, tilshilerge bergen suxbatynda QR Syrtqy ister mınıstriniń orynbasary Muxtar Tileýberdi málim etti.

"Naqty datalar bizde joq. Kútip otyrmyz, biraq ótken joly barlyǵy kelisilgen bolatyn, alaıda Sırııanyń qarýly oppozıtsııasy kelmeı qaldy. Mejelenip otyr, biraq barlyq taraptar kelisimin berdi degen naqty aqparat joq", - dedi Muxtar Tileýberdi.

Onyń sózinshe, Qazaqstan tarapy kezdesý 3-4 mamyrda ótedi dep úmittenýde.

"Eger qandaı da bir tarap kelmeı qalsa, kelissózder tolymdy bolmaıtyny anyq. Barlyq jaq kelip, betpe-bet júzdesken kezde ǵana kelissózder sátti shyqty deýge bolady", - dedi ol.

"Biz kelissózderdiń ózine qatyspaımyz. Biz tek kelissóz ornyn usynamyz. Qazaqstan kelissóz qatysýshysy bolyp tabylmaıdy", - dep sózin túıindedi ol.