Silk Way telearnasy jańa aqparat baǵdarlamasyn efırge shyǵarady

<p><span style="font-family: sans-serif; font-size: 18px;">Búgin efırge shyǵatyn, aǵylshyn tilinde habar taratatyn jańa aqparat-saraptamalyq baǵdarlama telearnanyń halyqaralyq kórermenderin Qazaqstan men Ortalyq Azııa jańalyqtarynan habardar etedi, dep habarlaıdy QazAqparat.</span></p>

New Time — baǵdarlama ataýy kezdeısoq qoıylǵan joq, aǵylshyn tilindegi bul sóz «Jibek joly» telearnasyndaǵy burynnan bar jáne ózekti «Jańa Ýaqyt» jáne «Novoe Vremıa» aqparat-saraptama baǵdarlamalarynyń aýdarmasy.

Silk Way telearnasyndaǵy New Time aptasyna bir ret, juma kúni efırge shyǵyp, kórermendi álem men elimizdegi saıasat, ekonomıka, mádenıet pen sportta bolǵan mańyzdy oqıǵalarmen tanystyrady.

Sonymen qatar baǵdarlamada shaǵyn formatta qazaqstandyq jáne halyqaralyq aldyńǵy qatarly sarapshylardyń taldaýy kórsetiledi.

Baǵdarlama mıssııasy — halyqaralyq aqparat keńistiginde óz ornyn tabý jáne álemniń nazary men qyzyǵýshylyǵyn kún ótken saıyn ózine aýdaryp, qarqyndy damyp jatqan Ortalyq Azııa óńirindegi oqıǵalarǵa degen sheteldik kórermenniń suranysyn qanaǵattandyrý.

Silk Way efırindegi New Time baǵdarlamasyn telearna habar taratatyn 118 eldiń kórermenderi tamashalaı alady.

Qazaqstandyqtar baǵdarlamany telearna saıty men áleýmettik jelilerinen laıf rejımde kórýine bolady.

Silk Way — álemniń 118 elinde 5 tilde habar taratatyn, QR-nyń alǵashqy ulttyq spýtnıktik televızııalyq telearnasy.

Arna kontenti — 100% otandyq ónim.