Silk Way telearnasynda Astana men Beıjiń arasyndaǵy telekópir ótedi

<p>ASTANA. KAZINFORM &ndash; Astanada Shanhaı yntymaqtastyq uıymy sammıtiniń aldynda Silk Way jáne CGTN stýdııalarynda qazaqstandyq jáne qytaılyq sarapshylardyń qatysýymen telekópir uıymdastyrylady.</p>

Telekópir barysynda óńirdegi qaýipsizdikti qamtamasyz etý, «úsh zalym kúshke» birlesip qarsy turý, ShYU-na qatysýshy elderdiń saýda-ekonomıkalyq yntymaqtastyǵyn nyǵaıtý sııaqty máseleler qaralady. Olardyń arasynda árıne, Silk Way men CGTN telearnalarynyń kásibı seriktestigin damytý da bar. Atap aıtqanda Silk Way telearnasynda CGTN-men yntymaqtastyq aıasynda «Jibek joly sımfonııasy: Alǵashqy onjyldyq» atty dokýmentaldy fılm men «Shanhaı rýhy» atty stýdııalyq tok-shoýy kórsetiledi.

Astana men Beıjiń arasyndaǵy telekópir Silk Way telearnasynyń efırinde kórsetiledi.

Qazaqstan kórermenderi úshin kórsetiletin efır ýaqyty: 28 maýsym, Astana ýaqyty boıynsha saǵat 19:00.

Sheteldik kórermender úshin: 29 maýsym, Astana ýaqytymen saǵat 01:00.

Silk Way – el aýmaǵynan tys habar taratatyn Qazaqstannyń alǵashqy spýtnıktik telearnasy. Telearnany 118-den astam elden kórýge bolady. Ol qazaq, orys, aǵylshyn, qyrǵyz, ózbek, túrik sııaqty 6 tilde habar taratady.

SGTN – Qytaı Halyq Respýblıkasynyń jahandyq televızııalyq jelisi. SGTN telearnalaryn álemniń 160-tan astam el men óńirinen tamashalaýǵa bolady.