Sılıkon alqabyndaǵy kompanııalarda kúnine 1600 adam jumyssyz qalady
2023 jyldyń basynan bastap shtab-páteri Kalıfornııa shtatynda ornalasqan joǵary tehnologııalyq kompanııalarda mamandardy jumystan qysqartý úrdisi beleń alǵan. Ortasha eseppen kúnine 1600 tehnıkalyq qyzmetker jumysynan aıyrylady.
Statıstıkaǵa sáıkes, tek 2022 jyly jeltoqsan aıynyń 15 kúninde álem boıynsha 91 kompanııa 24 151 qyzmetkerin jumystan shyǵardy. Bul 154 256 qyzmetkerdiń shamamen 15,6 paıyzyn qurady.
2022 jyldyń qarashasynan 2023 jyldyń qańtaryna deıin antıreıtıngti Amazon, Facebook (Meta dep ózgertildi) jáne Salesforce basqardy, olar sáıkesinshe 18 myń, 11 myń jáne 8 myń qyzmetkerdi jumystan shyǵardy.
Salesforce bas dırektory Mark Benıof óz kompanııasynyń qyzmetkerlerin qysqartý sebebin pandemııa kezinde shamadan tys qyzmetkerlerdiń jumysqa qabyldanýyna baılanysty bolyp jatqan ekonomıkalyq daǵdaryspen baılanystyrdy.
Álemdegi eń iri ınvestıtsııalyq bankterdiń biri Goldman Sachs ótken aptada búkil álem boıynsha 3 myń qyzmetkerin jumystan shyǵarýdy bastady, al BlackRock halyqaralyq ınvestıtsııalyq kompanııasy 500 laýazymǵa deıin qysqartty.
Foto: istockphoto.com