Sılıkon alqabyndaǵy qazaq jastaryn qoldaý kerek - Baǵdat Mýsın
«Amerıkadaǵy tanymal Sılıkon alqabynda eki aı boldym jáne álemniń chat, bot, áleýmettik jeli syndy jeńil dúnıelerden alshaqtap bara jatqanyn túsindim. Olardyń nebir túrleri shyǵyp jáne zamany ótip ketti, al bizdiń baǵdarlamashylar áli de oǵan qyzyǵýshylyq tanytyp keledi. Onyń ústine álemde usaq-túıek startaptardy satyp alatyn iri oıynshylar paıda boldy. Kerisinshe, ındýstrııalyq startaptar óte az jáne osy baǵytqa kóbirek mán bergen jón», - dep atap ótti Baǵdat Mýsın Astanada Qazaqstan Technology forýmynda.
Onyń aıtýynsha, Qazaqstan ekonomıkasynyń munaı, aýyl sharýashylyǵy syndy shıkizattyq tirekteri bar jáne bul - ındýstrııalyq startaptardy damytý úshin úlken múmkindik.
«Bir qyzyǵy, Qazaqstandaǵy startaptar e-KSK syndy memlekettik máselelerdi sheshýge arnalǵan. Jas baǵdarlamashylardy ındýstrııaǵa kóńil bólýge shaqyramyn. Sılıkon alqabynda jasandy ıntellekt pen úlken derekterdi biletinder emes, ındýstrııada jumys istegen, naqty bir máseleniń sheshimin usynǵan mamandar joǵary baǵalanady. ıAǵnı, qazirgi ýaqytta ýnıversıtetti bitirip, kezekti bir áleýmettik jeli nemese e-commerce jasaýdyń qajeti joq. Naqty fızıka-tehnıka baǵytynda oqyp, aýyl sharýashylyǵyna baryp, másele sheshkender az. Ondaǵy básekelestik orta áli bos. Osy baǵytta ındýstrııaǵa qajetti paıdaly startaptardy jasaý kerek», - dep óz sózin jalǵastyrdy B. Mýsın.
Sonymen birge, B. Mýsın kásipkerlerdi Qazaqstanda ǵana emes, álemniń kez kelgen buryshynda qoldaý qajettigin eske saldy.
«Sılıkon alqabynda jumys istep júrgen, bıikke talpynyp júrgen qazaqstandyqtar bar. Bireýiniń joly bolady, endi bireýiniń taýy shaǵylady. Kásipkerlerge qoldaý bildirýdi oılaǵanda tek qana Qazaqstandaǵy kásipkerlerdi oılaımyz. Sheteldik naryqta júrgen qazaqstandyqtardy da umytpaý kerek. Ol úshin Sılıkon alqabynda shetelde jumys istep júrgen qazaqstandyq ınnovatorlarǵa qoldaý kórsetetin Digital elshilik ashý kerek», - dedi Baǵdat Mýsın.
Sılıkon alqaby - AQSh Kalıfornııa shtatynyń ońtústiginde ornalasqan joǵary tehnologııalar ındýstrııasynyń ortalyǵy retinde tanylǵan aýdan. Sılıkon alqabynda kompıýterler jáne onyń jabdyqtary, ásirese mıkroprotsessorlar, baǵdarlamalyq jasaqtamalar, mobıldik baılanys qurylǵylaryn óndiretin kompanııalar kóptep ornalasqan.