Sıgnal júıesi bolmasa, Abaı shahtasynda órt bolar edi – ıÝrıı Ilın

QARAǴANDY. QazAqparat – Qaraǵandy oblysynyń Abaı qalasyndaǵy shahtada sıgnal júıesiniń minsiz jumysynyń arqasynda órt tutanbady. Bul týraly Qaraǵandy qalasyndaǵy Óńirlik kommýnıkatsııalar qyzmetinde ótken onlaın brıfıngide QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Ókinishke qaraı Qaraǵandy óńirindegi kómir basseıniniń kez kelgen shahtasynda metan kóp kezdesedi. Buǵan deıin de atalǵan shahtada metannyń taraýy bolǵan. Biraq kontsentratsııa shekti mólsherden aspaıtyn. Metannyń úlesi 5-ten 16 paıyzǵa deıin artqanda qaýip týyndaıdy. Sonyń saldarynan jarylystar bolyp, órt shyǵady. Osyǵan deıin de aıtqanymdaı, bul joly metan kenet taraǵan. Onyń aýadaǵy úlesi 40 paıyzdan asyp ketken. Sıgnal júıesiniń arqasynda elektr qýatyn berý tetigi ýaqytynda ajyratylyp, shahtada órt tutanbaǵan», - dedi mınıstr.

ıÝrıı Ilın qaza bolǵan kenshilerdiń denesi sot saraptamasynan ótetinin de aıtty.

«Kisi ólimine metannyń kenet taraýy sebep bolǵany aıqyn. Sonyń ózinde sot saraptamasy ólimniń sebebin anyqtaý úshin zertteý júrgizip jatyr. Táýlik ishinde máıitterdi ashý arqyly resmı qorytyndy alamyz dep oılaımyn», - dedi ol.

Onyń aıtýyna qaraǵanda, qazir Abaı shahtasyndaǵy kenjarlardyń bárinde jumys ýaqytsha toqtap tur.

«Ondaǵy ahýal men qaýipsizdik máseleleri, shahtada qoldanylyp júrgen qondyrǵylardyń jaǵdaıy boıynsha jospardan tys tekserý júrgiziledi», - dedi vedomstvo basshysy.

Eske salaıyq, 7 qarasha kúni saǵat 08:24-te «ArselorMıttal Temirtaý» AQ Kómir departamentiniń «Abaı» shahtasynda metan gazy taraı bastaǵan. Bul ýaqytta shahtada 64 adam jumys istep jatqan, 54-i evakýatsııalandy. Apat saldarynan eki adam zardap shegip, alty kenshi qaza tapty. Zardap shekkender aýyr halde jansaqtaý bóliminde jatyr.

Prezıdent Qasym-Jomart Toqaev qaza tapqan shahterlerdiń jaqyndary men týystaryna kóńil aıtty. Sondaı-aq zardap shekken azamattardyń tezirek saýyǵyp ketýine tilektestik bildirdi.

Qazaqstan Premer-Mınıstri Asqar Mamınniń tapsyrmasy boıynsha Tótenshe jaǵdaılar mınıstri ıÝrıı Ilınniń basshylyǵymen oqıǵanyń mán-jaıy men sebepterin anyqtaıtyn memlekettik komıssııa quryldy.

Apat saldarynan qaza bolǵandar men zardap shekkenderdiń esimderi.

QR TJM basshysy ıÝrıı Ilın BAQ ókilderine arnalǵan brıfıngide apatqa qatysty qylmystyq is qozǵalǵanyn aıtty. Kóz jumǵan 6 kenshi metan gazy taraǵan kezde qutqarý quralyn kıip úlgermeı qalǵan. Mınıstr shahtada kóz jumǵan kenshilerdiń otbasylaryna 10 jyldyq tirshilik shyǵyny tólenetinin, sondaı-aq nesıelerin jabý, baspana berý, stýdent balalarynyń oqýyn tóleý máseleleri pysyqtalatynyn jetkizdi.

Sonymen qatar ıÝ.Ilın «Abaı shahtasy jabyla ma?» degen suraqqa jaýap berdi.