Sibirde 750-den astam eldi mekendi sý basýy múmkin

NOVOSІBІR. TASS- QazAqparat – Eger jaǵdaı qolaısyz bolsa, Reseıdiń Sibir federaldy okrýginiń aımaqtarynda 190 myń halqy bar 750-den astam eldi mekendi sý basýy yqtımal, dep habarlaıdy QazAqparat TASS-qa silteme jasap.

Bul týraly Sibir federaldy okrýgi sýbektilerindegi sý tasqynyna jáne órt qaýipti kezeńine daıyndyq máseleleri boıynsha ótken keńeste RF Prezıdentiniń Sibir federaldy okrýgindegi ókiletti ókili Anatolıı Seryshev málimdedi.

«Kóktem jaqyndap keledi, osy kezeńde Sibirde aýa raıy qubylmaly bolady, jaǵdaıdyń kúrt ózgerýine bárimiz daıyn bolýymyz kerek.

Tótenshe jaǵdaılar mınıstrliginiń málimetinshe, eger jaǵdaı ýshyǵatyn bolsa, óńirlerde shamamen 190 myń turǵyny bar 750-den astam eldi meken, 400 shaqyrymnan astam jol jáne 200-ge jýyq áleýmettik mańyzy bar nysandy sý basýy múmkin, - dedi ol.

Ókiletti ókil bılikke Reseı Tótenshe jaǵdaılar mınıstrligimen jáne basqa qurylymdarmen birlesip, qaýip pen yqtımal zardaptardy azaıtý úshin tıisti sharalardy qabyldaýdy tapsyrdy.