Sibir jarasyna qarsy vaktsınanyń synaǵy boıynsha qylmystyq is qozǵaldy - AShM

ASTANA. QazAqparat - Úkimettiń búgingi otyrysynda otandyq veterınarııa salasyn damytý máselesi boıynsha baıandama jasaǵan QR Aýyl sharýashylyǵy vıtse-mınıstri Qaırat Aıtýǵanov sibir jarasyna qarsy vaktsınaǵa synaq júrgizgennen keıin quqyq qorǵaý organdaryna tıisti materıaldar jiberildi, dep xabarlaıdy QazAqparat tilshisi.

«Bıyl tamyz aıynda sibir jarasyna vaktsınalardyń sapasyn tekserý maqsatynda biz tıisti synamalardy Ýkraına men Efıopııanyń zertxanalaryna jibergen edik. Sonyń nátıjesi qýantarlyq emes. Qazan aıynda tıisti materıaldar quqyq qorǵaý organdaryna jiberildi. Qazir kezde sol materıaldar boıynsha tergeý amaldary júrip jatyr», - deıdi Q.Aıtýǵanov.

Onyń aıtýynsha, búginde zań boıynsha vaktsınalar saýdasymen aınalysatyn kásiporyndardyń kýáligin qaıtarý tetigi qarastyrylmaǵan. Sebebi ondaı qujattar merzimsiz beriledi. Endigi kezekte zańǵa ózgeris engizip, vaktsınany óndiretin jáne satatyn kompanııalarǵa qatysty talaptar kúsheıtiletin bolady.

Aldaǵy ýaqytta bıýdjet aqshasyna satyp alynatyn vanktsınalardy kásibı sheteldik zertxanalar tekseredi. Al atalǵan taýarlardy satyp alý konkýrstary jyldyń sońynda ótkiziledi.