Sibir ózenderiniń biriniń arnasyn Qazaqstanǵa burý jobasy júzege asa ma

ASTANA. QazAqparat – Sibir ózenderiniń biriniń arnasyn Qazaqstanǵa burý jobasy júzege asyryla ma? Májilis depýtattarynyń dál osy saýalyna Premer-Mınıstr Álıhan Smaıylov jaýap berdi, dep habarlaıdy QazAqparat tilshisi.

«Sibir ózenderi aǵynynyń bir bóligin Qazaqstan men Orta Azııaǵa burý jónindegi jobany iske asyrý máselesi 2021 jylǵy tamyzda, Astana qalasynda ótken Qazaqstan Respýblıkasynyń Ekologııa, geologııa jáne tabıǵı resýrstar mınıstri M.Myrzaǵalıev pen Reseı Federatsııasynyń Tabıǵı resýrstar jáne ekologııa mınıstri A.Kozlovtyń kezdesýi barysynda talqylady. Reseı tarapy túrli, onyń ishinde sý sharýashylyǵy, aýyl sharýashylyǵy, ekologııalyq jáne áleýmettik-ekonomıkalyq teris saldarlarǵa baılanysty Qazaqstan aýmaǵyna sýy mol ózenderdiń aǵystaryn burý máselesin qarastyrý maqsatqa saı kelmeıtindigi jaıly resmı aqparat berdi», - dep atap ótedi Úkimet basshysy jaýabynda.