Sybaılas jemqorlyqqa qarsy komplaens-qyzmetter aýtsorsıngke berile me

<p>ASTANA. KAZINFORM &ndash; Premer-Mınıstr Oljas Bektenov Senat depýtattarynyń kvazımemlekettik sektordaǵy sybaılas jemqorlyqqa qarsy komplaens-qyzmetterdi aýtsorsıngke berý múmkindigine qatysty saýalyna jaýap berdi.</p>

«Sybaılas jemqorlyqqa qarsy komplaens qyzmeti 2020 jyly zańnamamen bekitilgen jáne kvazımemlekettik sektordaǵy jemqorlyqty boldyrmaý jáne aldyn alýdyń tıimdi quraldarynyń biri sanalady. Sybaılas jemqorlyqqa qarsy is-qımyl agenttigine ádistemelik qoldaý, oqytý jáne aqparat almasý joldary arqyly sybaılas jemqorlyqqa qarsy komplaens-qyzmetterdi úılestirý ókilettigi berilgen», - dedi Úkimet basshysy jaýabynda.

Premer-Mınıstrdiń atap ótýinshe, agenttik «Aktsıonerlik qoǵamdar týraly» zańǵa sybaılas jemqorlyqqa qarsy komplaens-qyzmetterge boıynsha ereje engizý arqyly olardy kúsheıtý bóliginde túzetý ázirlegen.

«Bul sybaılas jemqorlyqtyń aldyn alý, onyń ishinde sybaılas jemqorlyq quqyq buzýshylyqty jasaýǵa yqpal etetin sebepter men shartttardy tómendetý boıynsha sharalardy qabyldaýǵa múmkindik beredi. Osyny eskere otyryp, agenttik sybaılas jemqorlyqqa qarsy komplaens qyzmetterin aýtsorsıngke berý formaldy tásilge alyp keledi dep esepteıdi. Mundaı jaǵdaıda komlaens/sybaılas jemqorlyqqa qarsy komplaens-qyzmetteri fýnktsııasynyń táýelsizdik ustanymy jáne onyń uıymnyń joǵary basqarý organyna eseptiligi joıylady dep sanaıdy», - dedi Oljas Bektenov.