Sıan qalasynda qazaq tilin úırenýshi qytaılyq stýdentter arasynda bilim saıysy ótti

<p>SIANЬ. KAZINFORM - Qazaqstannyń Sıan qalasyndaǵy Bas konsýldyǵy, Shensı óńiriniń bilim deparatmenti jáne Sıan shet tilder ýnıversıtetimen birlesip, Beıjiń, Shanhaı, Dalıan jáne Sıan shet tilderi, Ortalyq Ulttar jáne Shıhetszy ýnıversıtetteriniń stýdentteri arasynda &laquo;Qazaq tili men mádenıetin úırený biliktiligi&raquo; boıynsha kezekti ІІ Búkilqytaılyq baıqaýyn ótkizdi.&nbsp;</p>

Ashylý saltanatynda Qazaqstannyń Sıan qalasyndǵy Bas konsýly Joshyhan Qyraýbaev baıqaýǵa qatysýshylardy quttyqtap, is-sharany uıymdastyrýǵa kómek kórsetýshi taraptarǵa alǵysyn bildirdi. Ol óz sózinde Qazaqstan san ǵasyrlar boıy óziniń kórshilerimen beıbit ómirge umtylyp, ortaq damýǵa yntaly ekenin jetkizdi. Qytaı jastarynyń qazaq tilin úırenýi keleshek eki memlekettiń ózara jan-jaqty damýyna serpin beretinin atap ótti. 

Foto: QR Sıan qalasyndaǵy Bas konsýldy

Bas konsýl Qytaı tarapyn QR Úkimeti bilim berý salasynda júrgizip jatqan aǵymdaǵy reformalar, sondaı-aq ulttyq bilim berý júıesin damytýdyń basymdyqtarymen tanystyrdy.

Baıqaý aıasynda qazaqstandyq dıplomat Shensı óńiriniń bilim deparatmentiniń basshysy men Sıan shet tilder ýnıversıtet rektorymen, muǵalimder tobymen kezdesýler ótkizip, bilim berý salasyndaǵy yntymaqtastyq perspektıvalary, qazaqstandyq joǵary oqý oryndarymen áriptestik qarym-qatynastar ornatý máselelerin, sondaı-aq qazaqstandyq stýdentter men oqytýshylardy oqytý talaptary jáne taǵylymdamadan ótkizý múmkindigi talqylandy. Sonymen qatar Shensı aımaǵynyń aldyńǵy qatarly ýnıversıtetteriniń Qazaqstan aýmaǵynda birikken fılıaldaryn ashý múmkindigin talqylady. 

Foto: QR Sıan qalasyndaǵy Bas konsýldy

Іs-shara qorytyndysy boıynsha Qytaıdyń birqatar ýnıversıtetterinde qazaq tilin oqytý bólimshelerin ashýǵa qyzyǵýshylyq tanytty. Júldeli oryndardyń ıegerlerine Bas konsýldyq atynan gramotalar, kýbok, sondaı-aq estelik syılyqtar men kádesyılar tabys etildi.

Іs-sharanyń sońynda Bas konsýldyq Sıan shet tilder ýnıversıtetiniń janynan ashylǵan Qazaq mádenı ortalyǵyna dombyra, ulttyq kıimder men kitaptardy tabys etti.

Aıta keteıik, 2015 jyldan bastap Qytaıdyń birqatar joǵary oqý oryndarynda (Beıjiń, Dalıan, Shanhaı jáne Sıan qalalary) QR-dyń QHR-daǵy Elshiligi men Bas konsýldyqtyń qoldaýymen ashylǵan «Qazaqstan ortalyqtary» jumys isteıdi.

2016 jyldan bastap Beıjiń, Shanhaı jáne Sıan shet tilderi ýnıversıtetterinde jyl saıyn «qazaq tili men ádebıeti» mamandyǵy boıynsha qytaılyq stýdentterdi qabyldaý júzege asyrylyp jatyr.