Sı Tszınpın Azııa-Tynyq muhıty elderiniń ekonomıkalyq yntymaqtastyǵy sammıtinde Djo Baıdenmen kezdesedi

<p>AQSh prezıdenti Djo Baıden men Qytaı tóraǵasy Sı Tszınpın 15 qarashada Azııa-Tynyq muhıty elderiniń ekonomıkalyq yntymaqtastyǵy sammıti (ATES) aıasynda kezdesedi. Bul týraly Aq úıdiń <a href="https://www.whitehouse.gov/briefing-room/statements-releases/2023/11/10/statement-from-press-secretary-karine-jean-pierre-on-the-u-s-prc-leaders-summit/" target="_blank" rel="noopener">resmı saıtynda</a> jazylǵan, dep habarlaıdy Kazinform.&nbsp;</p>

“Prezıdent Djo Baıden Qytaı Halyq Respýblıkasynyń tóraǵasy Sı Tszınpınmen 15 qarasha kúni San-Frantsıskoda kezdesedi” - delingen habarlamada.

Bul - AQSh jáne Qytaı kóshbasshylarynyń eki jyldaǵy betpe-bet ótetin alǵashqy kelissózderi bolmaq.

CNN habarlaýynsha, memleket basshylary Izraıldegi jaǵdaıdy jáne klımattyq yntymaqtastyq máselelerin talqylaıdy.

ATES sammıti – ATES elderi basshylarynyń jyl saıynǵy sammıti.

Bıylǵy jyly ol 11-17 qarasha kúnderi San-Frantsıskoda ótedi. Sharanyń taqyryby - “Barlyǵy úshin ómirsheń jáne turaqty bolashaq qurý”

Uıymǵa 21 memleket, sonyń ishinde Qytaı, Reseı jáne AQSh kiredi.