Sı Tszınpın tórt tarmaqtan turatyn beıbit damý josparyn usyndy
«Barlyq elder ózderiniń damý áleýetin nyǵaıtýy, qorshaǵan ortany qorǵaýdy jaqsartýy, sonymen birge damyǵan jáne damýshy elder arasyndaǵy áriptestikti ońtaılandyrýy, al jalpy damýdy úılestirý tetigi nyǵaıtylýy tıis», - dep málimdedi QHR Tóraǵasy.
Ol barlyq elderdi sammıtte bekitilgen mindetterdi oryndaýǵa shaqyrdy.
Damýy tómen elderge 12 mlrd. dollar kómek
2030 jylǵa qaraı Qytaıdyń nashar damyǵan elderge kómeginiń jalpy kólemi 12 mlrd. dollardy quraıdy. Bul týraly QHR Tóraǵasy Sı Tszınpın BUU-nyń ornyqty damý sammıtinde sóılegen sózinde málimdedi.
«Qytaı 2015 jylǵa belgilengen damý maqsattaryna qol jetkizý úshin damýshy elderge kómekke Ońtústik-Ońtústik jelisi boıynsha yntymaqtastyqty qoldaý úshin 2 mlrd. dollar usynady. Qytaı nashar damyp otyrǵan elderge ınvestıtsııalardy ulǵaıta otyryp, 2030 jylǵa qaraı qoldaý kólemin 12 mlrd. dollarǵa deıin jetkizýge nıetti», - dep málim etti ol.
«Qytaı nashar damyǵan jáne shaǵyn memleketter úshin 2015 jyldyń sońyna belgilengen nesıelerdi óteý merzimin uzartady», - dedi ol jáne «qysqa merzimde Azııalyq ınfraqurylymdyq ınvestıtsııalar bankimen yntymaqtastyqty damytý» qajettigin atap kórsetti.
Óz sózinde Sı Tszınpın ınnovatsııalardyń mańyzyn atap ótti. «Barlyq elder ınnovatsııalarǵa umtylýy, damý úshin esikterin aıqara ashýy tıis», - dedi ol.
Qytaı taza energııa kózderiniń jahandyq jelisin qurýdy usynady
Sı Tszınpın elderdiń taza energııa kózderine qajettiligin qanaǵattandyrýǵa múmkindik beretin jahandyq energetıka jelisin qurýdy usyndy.
«Qytaı elder arasynda olardyń ulttyq jaǵdaılaryna sáıkes keletin damý tájirıbesimen almasý jáne zertteýlerdi jeńildetý maqsatynda bilimdi damytý halyqaralyq ortalyǵyn qurady», - dedi ol.
«Qytaı sondaı-aq elderdiń taza balamaly energııa kózderine suranysyn qanaǵattandyrý jónindegi mindetti jeńildetý úshin jahandyq energetıkalyq jeli qurýdy usynady», - dep qosty QHR tóraǵasy.
Ol sondaı-aq damýshy elderdiń turaqty ósimin qamtamasyz etý maqsatynda Azııalyq ınfraqurylymdyq ınvestıtsııalar banki men BRIKS Damý jańa banki aýqymynda basqa eldermen yntymaqtastyqty damytýǵa ázir ekenin bildirdi.