«ShYU terrorızmge qarsy kúreste óziniń salmaqty sózin aıtýy tıis» - baspasózge sholý
***
«Egemen Qazaqstan» gazetiniń jazýynsha, Tashkentte Shanhaı yntymaqtastyq uıymyna (ShYU) múshe memleketter Syrtqy ister mınıstrleri keńesiniń otyrysy ótti. Oǵan Qazaqstan Respýblıkasynyń Syrtqy ister mınıstri Erlan Ydyrysov qatysty. Bul jolǵy basqosýdyń basty mindeti aldaǵy maýsym aıynda Ózbekstan Respýblıkasynyń astanasynda ótetin ShYU-ǵa múshe elder Memleket basshylarynyń sammıtine daıyndyq boldy. Otyrys barysynda mınıstrler 2015 jyly Ýfa qalasynda múshe memleketterdiń basshylary qol jetkizgen kelisimderdi iske asyrý jóninde pikir almasty. Ýfa sammıtinen keıin ShYU-nyń jumysyn odan əri jetildirý, Uıym sheńberinde saıasat, qaýipsizdik, ekonomıka jəne gýmanıtarlyq baılanystar salalarynda nətıjeli is-qımyldardy nyǵaıtý boıynsha aıtarlyqtaı jumys atqarylǵany týraly aıtyldy. Osy jaıynda «ShYU terrorızmge qarsy kúreste óziniń salmaqty sózin aıtýy tıis» degen maqaladan tolyq oqı alasyzdar.
Bas basylymda «Qazaqstan - jahandyq saýdanyń syn-qaterlerin jeńip kele jatqan el» atty maqala jarııalandy.
«Byltyr men Dúnıejúzilik saýda uıymynyń (DSU) Jenevadaǵy shtab-páterinde Qazaqstannyń DSU-ǵa músheligi týraly kezdesýlerdiń tarıhı aıaqtalýyn atap ótý jóninde Prezıdent Nursultan Nazarbaevtyń aldynda sóz sóılegen edim. Qazir DSU-nyń 162-shi múshesi retinde Qazaqstan kópjaqty saýda júıesiniń belsendi qatysýshysyna aınaldy. El kúrdeli jahandyq ekonomıkalyq jaǵdaılarǵa qaramastan, óziniń saýda áleýetin tolyǵymen iske asyrýǵa umtylýda. Men eldiń osy baǵytta jumsaıtyn kúsh-jigerin talqylaý, sondaı-aq, onyń aldaǵy ýaqyttaǵy syrtqy taýar aınalymyna oń yqpal etý múmkindigin qarastyrý maqsatynda Astanaǵa arnaıy saparmen kelgeli otyrmyn»,-deıdi DSU-nyń Bas dırektory Roberto Azevedo.
Onyń sózine qaraǵanda, Qazaqstan, sonymen birge, Dúnıejúzilik banktiń sońǵy jyl saıynǵy esebinde bıznesti júrgizý sharttarynyń qolaılylyǵy boıynsha óz reıtıngin jaqsartsa, onda ótken jyl boıy elde bıznesti qoldaýǵa baǵdarlanǵan kóptegen reformalar qabyldanǵany atalyp ótti. Qazaqstan iskerlik ortany jaqsartý úshin qabyldaı alatyn taǵy bir mańyzdy qadam DSU-nyń Saýda-sattyq rásimderin jeńildetý boıynsha jańa kelisim (SRJK) engizýi bolyp tabylady.
«Meniń aldaǵy saparym kezinde eldiń kelisimdi ratıfıkatsııalaǵany týraly qujattyń maǵan tapsyrylatynyna óte qýanyshtymyn. Jahandyq deńgeıde SRJK eksport kólemin jylyna 1 trln. AQSh dollaryna ulǵaıta alsa, bul óz kezeginde búkil dúnıejúzi boıynsha qalǵan barlyq kedendik baj salyǵyn alyp tastaýǵa úlken septigin tıgizetin bolady. Al kelisim Qazaqstannyń ózine de úlken tıimdilik ákeledi. Bizdiń baǵalaýlarymyz boıynsha, SRJK-ni tolyqtaı júzege asyrý Qazaqstannyń saýda shyǵyndaryn shamamen 15 paıyzǵa azaıta alady. Bul eldiń saýda-sattyq perspektıvalary úshin úlken mańyzǵa ıe, óıtkeni, kompanııalarǵa saýda-sattyqtaryn bastaý úshin kedergilerdi tómendetedi»,-deıdi ol.
***
«Aıqyn» gazetinde «Basy tátti, aıaǵy qatty» degen kólemdi maqala berilgen. Avtor Qazaqstan quramasynyń álem chempıonatyndaǵy ónerin dál osylaı baǵalar otyr.
Ótken jeksenbi kúni shaıbaly hokkeıden álem chempıonaty aıaqtalǵany belgili.
«Reseıdiń Máskeý jáne Sankt-Peterbor qalalarynda jalaýy jelbiregen jarysta 16 memlekettiń ulttyq quramalary baq synap, solardyń arasynan qaı komandanyń qaı mejege deıin jetkeni jaıynda biz buǵan deıin de san márte baıandaǵan edik. Al búgingi maqalamyzdy osy dúbirli dodanyń tarıhyna qysqasha toqtala ketýdi jón kórip otyrmyz»,-dep jazady gazet.
***
«Kazahstanskaıa pravda» gazetinde «Granı drýjby s aravııskoı monarhıeı» degen maqala berilgen. Keshe Astanada Qazaqstan men Katar memleketi arasyndaǵy ekijaqty yntymaqtastyq jaıynda QR-dyń Katardaǵy Tótenshe jáne Ókiletti elshisi Asqar Shoqybaev jan-jaqty baıandap berdi. Eki el arasyndaǵy jańa jobalar men saýda-sattyqty damytýdyń jańa qadamdary jaıynda tolyq bilgilerińiz kelse, osy maqalaǵa kóz júgirtińizder.