ShYU Hatshylyǵynda Qazaqstannyń ınvestıtsııalyq áleýeti tanystyryldy

BEIJІŃ. QazAqparat –Shańhaı yntymaqtastyq uıymy hatshylyǵynda «Ortalyq Azııa elderiniń ınvestıtsııalyq áleýeti – ShYU sheńberinde birlesken jobalardy iske asyrý múmkindikteri men keleshegi» atty forým ótti, dep habarlaıdy QazAqparat QR SІM resmı saıtyna silteme jasap.

Іs-sharany «Qytaı – ShYU» Óńirlik saýda-ekonomıkalyq yntymaqtastyq aımaǵy Ákimshilik komıtetiniń (Tsındao q.) qoldaýymen ShYU hatshylyǵy men Shetelde kásiporyndardy damytý jónindegi qytaılyq qaýymdastyq (CODA) uıymdastyrdy.

Forýmǵa iri qytaılyq kompanııalardyń top-menedjerleri, memlekettik organdardyń, qoǵamdyq uıymdardyń jáne BAQ ókilderi, jalpy sany 100-den asa adam qatysty. Olarǵa ShYU múshe memleketter: Qazaqstan, Qyrǵyzstan, Tájikstan jáne Ózbekstannyń saýda-ekonomıkalyq áleýeti, sondaı-aq olardyń ınvestıtsııalardy qoldaý salasyndaǵy saıasaty tanystyryldy.

Qytaılyq kásipkerlerge «Kazakh Invest «UK» AQ, «Samuryq-Qazyna «UÁQ» AQ jáne «Astana» halyqaralyq qarjy ortalyǵynyń QHR-daǵy bas ókilderi Qazaqstandaǵy iskerlik ahýal týraly, sondaı-aq eldegi ınvestıtsııalyq múmkindikter jóninde aıtyldy.

Sonymen qatar, forým aıasynda paneldik sessııada Qazaqstannyń Qytaıdaǵy Elshisi Ǵabıt Qoıshybaev qatysýshylardy memleketimizdiń ekonomıkalyq damýdaǵy jetistikterimen, Qazaqstan-Qytaı saýda-ekonomıkalyq yntymaqtastyǵynyń keleshegi erekshe mol baǵyttarymen, sondaı-aq eldegi ınvestıtsııalyq ahýaldy odan ári jaqsartý boıynsha Qazaqstan Úkimeti atqaryp jatqan jumystarmen tanystyrdy.

Forýmnyń sońynda V2V úlgisinde birqatar iskerlik kezdesýler ótti, olardyń barysynda múddeli taraptar naqty kelissózder júrgizip, yntymaqtastyqtyń aldaǵy qadamdaryn talqylady.