ShYU elderiniń Prezıdentteri terrorızmge qarsy birlese kúresý týraly málimdeme jasaıdy

ASTANA. QazAqparat - Astanada óteteni Shanhaı yntymaqtastyq uıymy sammıtinde múshe memleketterdiń Prezıdentteri terrorızmge birlese qarsy turý týraly málimdeme jasaıdy. Bul týraly búgin Shanhaı yntymaqtastyq uıymyna múshe memleketter Syrtqy ister mınıstrleriniń kezekti otyrysynda QR Syrtqy ister mınıstri Qaırat Ábdirahmanov málim etti, dep habarlaıdy QazAqparat.

«ShYU keńistigi shekarasynda baıqalyp otyrǵan terrorızm, separatızm men ekstremızm, esirtki men qarý-ejaraqtyń zańsyz aınalymy, kıberterrorızm men transulttyq uıymdasqan qylmys múshe memleketterdiń  qaýipsizdik salasyndaǵy yntymaqtastyǵynyń odan ary tereńdetý qajettigin kórsetip berdi. Osy aıda Astanada ótken ShYU-ǵa múshe memleketter qaýipsizdik keńesteri hatshylarynyń  12-shi kezdesýi ózara is-qımyldyń bul mehanızminiń tıimdiligin, onyń ShYU aıasynda qoldanylatyn jańa syn-qaterlerge qarsy is-qımyl sharalaryn úılestirýge qabilettiligin taǵy bir  kórsetti», - dedi ol.

Mınıstrdiń aıtýynsha, aldaǵy ýaqytta uıymnyń keńeıetindigin eskere otyryp, ShYU-nyń óńirlik lańkestikke qarsy qurylymdary qyzmetin, sonymen birge aımaqta úsh zulymdyqqa qarsy turýdaǵy memlekettik uıymdardyń quzyretti organdarynyń ózara is-qımylyn  nyǵaıtý qajet.

«Aldaǵy ShYU sammıtinde uıymǵa múshe memleketter basshylarynyń  halyqaralyq terrorızmge qarsy birlese is-qımyly jasaý týraly málimdemesin qabyldaý der ýaqytynda bolar edi. Sońǵy jyldyń ishinde bizdiń elderimizdiń quzyretti organdary tarabynan ekstremızmge qarsy is-qımyl boıynsha ShYU konventsııasynyń jobasyn daıyndaý boıynsha óte aýqymdy jumys júrgizildi. Áriptesterimdi aldaǵy ShYU sammıti barysynda konventsııany bekitý úshin onyń jobasyn kelisý resimderin jedeldetip aıaqtaýǵa kómek kórsetýge shaqyramyn», - dedi Ábdirahmanov.

Sonymen qatar ol ShYU-ǵa múshe memleketterdiń 2017-2022 jyldarǵa arnalǵan esirtkige qarsy strategııasynyń jobasyn kelisýdi jedeldetý qajettigin basa aıtty.