ShYU elderiniń artısteri astanadaǵy opera festıvali aıasynda óner kórsetti

ASTANA. QazAqparat – Mádenıet jáne sport mınıstrliginiń qoldaýymen uıymdastyrylǵan «Operalııa» halyqaralyq festıvali aıasynda «Astana Opera» teatrynyń sahnasynda Shanhaı yntymaqtastyq uıymy elderiniń artısteriniń qatysýymen aýqymdy kontsert ótti. Bul týraly QazAqparat vedomstvonyń baspasóz qyzmetine silteme jasap habarlaıdy.

Qytaı, Tájikstan, Ózbekstan, Qyrǵyzstan, Bashqurtstan jáne elimizdiń mýzykanttary kórermenderdi shyǵarmashylyǵymen qýantty.

Keshti Tatıana Vıtsına men Dinmuhamed Kóshkinbaev A. Jubanov pen L. Hamıdıdiń «Abaı» operasynan «Toıbastar» shyǵarmasymen ashty. Osy operanyń taǵy bir áıgili arııasyn — Abaıdyń «Qaı talqy» arııasyn ataqty barıton Azamat Jyltyrkózov oryndady.

Kontsertke Tájikstannan kelgen soprano Mýnzıfa Isoeva, bashqurtstandyq Alfııa Karımova, tenorlar qyrǵyzstandyq Aıbek Saralaev, Ózbekstannan Aboshon Rahmatýllaev, Saıan Isın, soprano Madına Islamova, Ulpan Áýbákirova jáne basqa da ónerpazdar qatysty. Al, dırıjer qyzmetin úsh maestro – Rýslan Baımýrzın, Elmar Bóribaev jáne Qytaıdan kelgen Kokı ıAng kezektesip atqardy. Іs-sharaǵa «Astana Opera» hory men sımfonııalyq orkestri, rejısser Erenbaq Toıkenov, bas hormeıster Erjan Dáýitov qatysty.

«Mundaı mádenı is-sharalar qazaqstandyq ónersúıer qaýymǵa sheteldik tanymal artısterdiń shyǵarmashylyǵymen tanysýǵa múmkindik berip qana qoımaı, ShYU boıynsha seriktesterimizben baılanysty nyǵaıtýǵa keń jol ashady. Ózderińiz biletindeı, jaqynda ShYU-ǵa qatysýshy elderdiń mınıstrleri Almatyny uıymnyń 2023-2024 jyldarǵa arnalǵan mádenı jáne týrıstik astanasy etip bekitý týraly usynysty qoldady, sondyqtan aldaǵy ýaqytta elimizde aýqymdy halyqaralyq is-sharalar ótedi», - dedi QR MSM Mádenıet komıtetiniń tóraǵasy Arman Júdebaev.