ShYU baıqaýshylary Amankeldi Taspıhov shtabynyń jumysymen tanysty

ShYMKENT. QazAqparat - Shanhaı yntymaqtastyq uıymynyń halyqaralyq baıqaýshylary QR Prezıdenttigine úmitker Amankeldi Taspıhovtyń Túrkistan oblysy jáne Shymkent qalasy boıynsha qoǵamdyq aımaqtyq shtabynyń jumysymen tanysty. Bul jóninde QR Kásipodaqtar federatsııasynyń baspasóz qyzmeti habarlady.

Kandıdattyń senimdi ókilderi halyqaralyq baqylaýshylar tobymen kezdesti. Jıyn barysynda shtab basshysy Berik Bekjanov elimizde ótetin kezekti prezıdent saılaýyn baqylaýshylarǵa alǵysyn bildirip, saılaýaldy sharalar barysyn jetkizdi. Shtab tóraǵasy kandıdattyń tuǵyrnamasyn taratyp aıtyp, elimizdegi eń iri uıym-kásipodaqtyń qyzmetine toqtaldy. Berik Bekjanov halyqaralyq baqylaýshy Sergeı Smetannıkovke «Profsoıýzy: teorııa ı praktıka» kitabyn syıǵa tartty.

Onymen qosa Sergeı Smetannıkov jergilikti halyqtyń saıaı belsendiligin tilge tıek etip, azamttardyń bılikke seniminiń joǵary ekenin atap ótti. Sondaı-aq, shtabtyń saılaý qarsańynda atqaryp jatqan úgit-nasıhat sharalaryna joǵary baǵasyn berdi.