Shyńjańda koronavırýstyń órshýinen poıyz qozǵalysy toqtady
09:33, 06 Qazan 2022
BEIJІŃ. QazAqparat – Qytaıdyń Shyńjań-Uıǵyr avtonomııalyq ólkesinde (ShUAÓ) shilde aıynyń sońynan koronavırýs indetiniń órshýinen jolaýshylar poıyzdarynyń qozǵalysy toqtatyldy. Bul týraly QazAqparat menshikti tilshisi Global Times-qa silteme jasap habarlaıdy.
Jergilikti bılik ókilderiniń málimdemesine sáıkes, ınfektsııanyń taralý qaýpin azaıtý úshin Shyńjańnan keletin jolaýshylar poıyzdarynyń qozǵalysyn toqtatý sheshimi qabyldandy. Osyndaı shara alys marshrýttarǵa qatynaıtyn jolaýshylar avtobýstaryna qatysty qabyldandy, olar endi ShUAÓ-den Qytaıdyń basqa provıntsııalaryna bara almaıdy. Avtonomııalyq ólkeden avıareıster jolaýshylar sany 75% aspaǵan jaǵdaıda júzege asyrylady.
Sársenbi, 5 qazan kúni Úrimji áýejaıy kúndizgi reısterdiń 97% toqtatty, bar bolǵany 10 reıs jiberilip-qabyldanǵan.
Basylymnyń atap ótýinshe, indetke qatysty Shyńjańdaǵy jaǵdaı kúrdeli bolyp otyr. Vırýstyń órshýi Qytaıdyń ózge 15 provıntsııasy men megapolısterine, sonyń ishinde Beıjiń men Shanhaıǵa da áser etýde.