Shyndyq túbinde aıtylady, ýaqyt barlyǵyn óz ornyna qoıady deıtin ákem - Álııa Qoshqarbaeva (FOTO)
Saltanatty rásimde sóılegen sózinde Álııa Qoshqarbaeva ákesiniń batyrlyq ataqty ala almaǵanyna eshqashanda moıymaǵandyǵyn, qaıta qashanda aqjarqyn, kóńildi bolyp júrgendegin eske aldy.
«Ákem, shyndyq aıtylmaı qoımaıdy, tarıh, ýaqyt barlyǵyn erte me, kesh pe óz ornyna qoıady»,deıtin. Al ózine batyrlyq ataqtyń buıyrmaǵanyna eshbir kúızelip kórgen emes, qaıta jigerlenip, aınalasyndaǵylarǵa rýh berip, qashanda kóńildi, aqjarqyn júretin».
Otan úshin jasaǵan erliktiń erte me, kesh pe eskeriletini sózsiz. 2001 jyly Rahymjan Qoshqarbaevqa táýelsiz elimizdiń eń joǵary marapaty «Halyq qaharmany» ataǵy berildi.
Álııanyń aıtýynsha, Reıhstagqa qazaq ulynyń qyzyl týdy alǵashqy bolyp tigýi tegin emes.
«Qazaq baqyt úshin, bostandyq úshin ómir-baqı kúresip kelgen jaýynger halyq. Sondyqtan da Reıhstagqa jeńis týyn alǵashqy bolyp, meniń ákemniń, ıaǵnı qazaq batyrynyń ornatýy tegin emes. Bul tarıhı, tereń mánge ıe», - dedi Á. Qoshqarbaeva.
Sóz sońynda ol jınalǵan jurtshylyqqa, qonaq úı basshylyǵyna, Almaty qalasy ákimdigine rahmetin aıtyp, ákesiniń kózin kórgen maıdandas dostaryna jáne búgingi jıynǵa jınalǵan basqa da Uly Otan soǵysynyń ardagerlerine taǵzym etti.
«Barlyqtaryńyzǵa rahmet! Endi eshqashan soǵys bolmasyn! Jas jaýyngerlerge aıtarym, áskerı formalaryńyzdy tek saltanatty sherýde ǵana kıińizder degim keledi. Al ardagerlerge basymdy ıemin. Biz mundaı baqytty ómirge sizderdiń arqalaryńyzda ǵana qol jetkizdik. Sizderdi áli uzaq jyldar qatarymyzdan kóremiz degen úmittemin. Denderińiz saý bolsyn», - dedi Á. Qoshqarbaeva.