Shymkenttiń ustazdary latyn álipbıiniń sońǵy nusqasyna qatysty usynystaryn jetkizdi
Til mamandarynyń sózinshe, bul úlginiń tıimdiligi dıagraftyń bolmaýynda. ıAǵnı «bir árip - bir dybys» talaby saqtalady. Sonymen qatar, ustazdar apostrofpen jazý esh qıyndyq týǵyzbaıdy dep otyr.
«Til mamany retinde álipbı aýystyrý máselesine beıjaı qaraı almadym. Bul - ultymyzdyń tarıhyndaǵy eń mańyzdy oqıǵa dep sanaımyn. Sondyqtan osyndaı memlekettik mańyzy bar iske úlken jaýapkershilikpen, erekshe mán bere qaraǵanymyz jón dep bilemin. Latyn álipbıin úırenip alý da asa qıyndyq týǵyza qoıady dep oılamaımyn»,- deıdi Y.Altynsarın atyndaǵy №65 mektep-gımnazııanyń muǵalimi Marfýǵa Ábýtálipqyzy.
Atalmysh bastamanyń qazaq tiliniń damýyna, qoldanysynyń keńeıýine qosar úlesi de qomaqty. Bul basqosýǵa jınalǵan mamandardyń pikiri. Óıtkeni latyn álipbıine kóshý arqyly Qazaqstannyń túrki álemimen baılanysy odan ári arta túsedi.
«Búkil qoǵam bolyp talqylap jatqan máselege jastardyń aıtqan utymdy da tuşymdy oılary meniń janyma alash rýhyn sezindirgendeı boldy. Jalpy aıtqanda, latyn álipbıine kóshý bizderdi órkenıetke jetýdiń tıimdi ári ońtaıly jolyna jeteleıtindeı kórinedi»,- deıdi Tólegen Tájibaev atyndaǵy №47 mektep-gınazııasynyń qazaq tili men ádebıeti páni muǵalimi Kúlmıra Asanqyzy.