Shymkenttiń teatr ártisteri EKSPO kórmesine oraı flesh-mob ótkizdi
19:57, 24 Mamyr 2017
ShYMKENT. QazAqparat - Búgin Ońtústik Qazaqstan oblystyq ázil-syqaq jáne satıra teatrynyń uıymdastyrýymen «EKSPO-2017 - Jahannyń jańalyǵy» atty mádenı shara ótti.
Shym qalanyń ortalyq saıabaǵynda ótken shara «EKSPO-2017» halyqaralyq kórmesine qoldaý kórsetý jáne nasıhat jumystaryn júrgizý maqsatynda uıymdastyryldy, dep habarlaıdy QazAqparat HAA tilshisi
Qala turǵyndary men qonaqtary oblystyq ázil-syqaq jáne satıra teatrynyń 70-ke jýyq qyzmetkeriniń ıntermedııalyq ázilderi men ásem áýenderin tyńdap,"Máńgilik el" flesh-mobyn tamashalady. Serýenge shyqqan qala turǵyndary halyqaralyq kórme jaıynda aqparattyq tanymyn keńeıtti.
Aıta keteıik, 2017 jyldyń basty sharasyna ázil-syqaq teatrynan 70-ke jýyq ártis barady dep kútilýde. Olar Astana tórinde tamyzdyń 29-ynan bastap, qyrkúıektiń 5-ine deıin óner kórsetedi. Kórmege kelgen qonaqtarǵa aıryqsha serpilis syılaý úshin ónerpazdar daıyndyǵyn pysyqtap jatyr.