Shymkenttiń bas sanıtar dárigeri jańa qaýlyǵa qol qoıdy
Qaýlyda jumys jáne demalys kúnderi Ashyq jobasyna qatysatyn bıznes obektileriniń jumysyna - saǵat 00:00-ge deıin, Ashyq jobasynyń kóshbasshylarynyń jumysyna - saǵat 02:00-ge deıin ruqsat etiledi.
Medıtsınalyq ortalyqtar, kabınetter, stomatologııa qyzmeti jáne sulýlyq ortalyqtary men salondary, shashtaraz, manıkıýr men pedıkıýr qyzmetteri, kosmetıka jáne kosmetologııa qyzmetin kórsetetin oryndar aldyn ala jazylýmen jumys istese, halyqty ornalastyrý arqyly qyzmet kórsetý salasyndaǵy uıymdar (qonaq úı, sanatorıı-kýrort, demalys úıleri/bazalar, týrıstik baza jáne taǵy basqalar) toltyrylýyn 80 % - dan asyrmaý qajet. Al, Ashyq jobasyna qatysatyn qonaq úıler, otelder qalypty rejımde qyzmet kórsetedi.
Meıramhana, dámhana jáne kofehana tıpi boıynsha qoǵamdyq tamaqtaný obektileri (úı-jaıda) tek sorý-syrtqa shyǵarý jeldetkishi men aýanyń retserkýlıatsııasy jumys istegen kezde, toltyrylýy 50%-ǵa deıin, biraq 30 orynnan asyrmaı, saǵat 09:00 den 20:00-ge deıin shekteýmen qyzmet kórsete alady.
Al, Ashyq jobasyna qatysatyn sýbektiler 50 orynǵa deıin toltyrylýyn qamtamasyz etýge múmkindik berildi. Mádenıet obektileri, teatrlar, kınoteatrlar, kontsert zaldary, fılarmonııalar tek Ashyq jobasyna qatysqan jaǵdaıda ǵana arnaıy toltyrylýy talaptaryn saqtap qana jumys isteýge ruqsat etiledi.
Qaýipsiz «jasyl» mártebe bar bolǵan kezde Ashyq jobasyna qatysatyn áleýmettik-ekonomıkalyq obektiler qyzmetiniń ólshem-sharttaryna sáıkes, saltanatty, as berý, otbasylyq is-sharalardy banketter, úılený toıy, mereıtoı, konferentsııa, forým, adamdar kóp jınalatyn oıyn-saýyq jáne ózge de is-sharalar ótkizý 50%- ǵa deıin, biraq 50 orynnan asyrmaı ótkiziledi.
Saýda-oıyn-saýyq ortalyqtary, saýda úıleri, saýda alańy 100 sh.m- den asatyn azyq-túlik emes saýda jelileri men saýda alańy 6000 sh.m-den asatyn azyq-túlik saýda jelileri qalypty rejımde jumys isteıdi.