Shymkenttiń ár ekinshi turǵyny – táýelsizdik týmasy

NUR-SULTAN. QazAqparat - Shymkent qalasynyń ákimi Murat Áıtenov ortalyq kommýnıkatsııalar qzmetinde ótken baspasóz máslıhatynda shahardyń 30 jyldaǵy basty jetistikterin atady, dep habarlaıdy QazAqparat.

«Shymkent qalasynyń halyq sany toqsanynshy jyldary 400 myń bolsa, qazir 1 mln adamnan asty. Shymkenttiń ár ekinshi turǵyny – táýelsizdik týmasy. 30 jyl buryn qalada 69 myń oqýshysy bar 72 mektep bolsa, qazir 226 myń bala oqıtyn 186 mektep bar. Qala bıýdjeti 1991 jyly 1 mlrd teńge bolatyn. Búgin 480 mlrd teńgeden asty. Ómir súrý uzaqtyǵy 10 jylǵa ósti. 1991 jyly ortasha jas 63 bolatyn. Qazir 71 jastan asty», - dedi ákim.

Onyń aıtýynsha, qalanyń aýmaǵymen birge ishindegi joldardyń uzyndyǵy da birneshe ese artqan.

«Osydan 30 jyl buryn qalada 832 shaqyrym jol bolsa, búginde 4 ese ósip, 3331 shaqyrymǵa jetti. Bul jetistiktiń barlyǵy da Shymkent qalasy turǵyndarynyń birligi men iskerliginiń arqasynda bolyp otyr», - dedi Murat Áıtenov.