Shymkenttiń 84 mektebinde 189 synyp karantınge jiberilgen

NUR-SULTAN. QazAqparat – Oqý jyly bastalǵannan beri Shymkent qalasynda 487 bala COVID-19 ınfektsııasyn juqtyrǵan. Onyń 146-sy jazǵy demalys kezinde syrqattanyp bastasa, 341-offlaın sabaq kezinde aýrý juqtyrǵan, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide Shymkent qalasy ákiminiń birinshi orynbasary Shyńǵys Muqan osyndaı málimet aıtty.

«2021-2022 oqý jylynyń basynan bastap 29 qyrkúıekke deıin oqýshylar arasynda KVI-diń 487 jaǵdaıy tirkeldi. Onyń ishinde 146 oqýshy jazǵy demalys kúnderi aýyrǵan, sondyqtan mektepke barmady. Al syrqattanýdyń 341 jaǵdaıy offlaın formatta oqıtyn oqýshylarda tirkeldi. Oqý jylynyń basynan bastap 100 mektepte 291 synypta karantın belgilendi. Búgingi tańda qalanyń 84 mektebinde 189 synypta karantın belgilengen», - dedi qala ákiminiń birinshi orynbasary.

Sonymen birge, ol Ashyq jobasy boıynsha atqarylǵan jumystarǵa toqtaldy.

«Qala boıynsha Ashyq jobasyna 8 571 nysan engen. «Qyzyl» jáne «sary» statýsy bola turyp nysandarǵa barǵan jeke tulǵalar týraly 2 421 habarlama tústi. Shymkent qalasy boıynsha anyqtalǵany – 2089. Basqa oblystardan kelip anyqtalǵan jeke tulǵalar – 332 adam. Olar boıynsha sanıtarııalyq-profılaktıkalyq is-sharalar atqarý úshin aýmaqtyq departamentterge hattar joldandy. Karantın rejımin saqtamaǵan 488 jeke tulǵaǵa 21 074 005 teńgege aıyppul salyndy. Bul jumys jalǵasýda», - dedi Shyńǵys Muqan.