Shymkenttikter maqtaaraldyqtarǵa kıim-keshek pen qajetti zattar jetkizip berdi

MAQTAARAL. QazAqparat Maqtaaraldyqtardyń búgingi jaı-kúıi shymkenttik kásipkerlerdi de beı-jáı qaldyrmady. Jomart jandar Myrzashól óńirine gýmanıtarlyq kómek jiberdi, dep habarlaıdy QazAqparat tilshisi.

Kásipkerler tarapynan 4 myń adamǵa qajetti kıim-keshekter men gıgıenalyq zattar jetkizip berdi. Gýmanıtarlyq kómektiń ishinde aıaq-qıim men sporttyq kıimder, odan bólek 200 dana jeıde men 150 dana áıelderge arnalǵan kóılek jáne shalbar bar.

«Apattyń aıtyp kelmeıtini belgili. Sondyqtan Maqtaaral aýdanyna qıyn sátte qol ushyn sozyp, tótenshe jaǵdaı zardaptaryn joıýǵa búkil halyq bolyp atsalysý – barshamyzdyń azamattyq mindetimiz. Kómek kórsetý bunymen toqtap qalmaı, ári qaraı da jalǵasatyn bolady», - deıdi Shymkent qalasy otbasy, balalar jáne jastar isteri jónindegi basqarma basshysy Jandos Qaltaev. Budan ózge «Shymkent volonterlar qaýymdastyǵynyń» músheleri zardap shekken turǵyndarǵa qajetti zattar men azyq-túlikter, balalarǵa oıynshyqtar men tósek oryndaryn jetkizý úshin kómektesýde.