Shymkenttikter «Chia Tai Tianging Group» qarjy pıramıdasyna 83 mln teńge salǵan

ASTANA. QazAqparat – Qarjylyq monıtorıng agenttigi Shymkent turǵyndarynyń 83 mln teńgesin qaltasyna basqan kompanııaǵa qatysty sotqa deıingi tergeýdi bastady, dep habarlaıdy QazAqparat.

«Chia Tai Tianging Group» qarjy (ınvestıtsııalyq) pıramıdasyn qurý jáne basqarý kúdigi boıynsha sotqa deıingi tergeýdi QMA Shymkent qalasy boıynsha departamenti júrgizip jatyr.

2022 jyldyń qyrkúıeginen 2023 jyldyń sáýirine deıin Shymkenttiń 40-tan astam turǵyny qarjy pıramıdasyna 83 mln teńge salǵan.

Qazirgi ýaqytta kúdikti sot qaýlysymen úıqamaqqa alyndy», - delingen málimette.

QR Qylmystyq-protsessýaldyq kodeksiniń 201-babyna sáıkes tergeý múddesine oraı ózge málimetter jarııalanbady.

«Qarjy pıramıdalaryn qurý qylmystyq jaýapkershilikke ákep soǵatynyn jáne múlkin tárkileýmen 10 jylǵa deıin bas bostandyǵynan aıyrý túrindegi jazany qarastyratynyn eskertemiz.

Eger siz jáne sizdiń jaqyndaryńyz qarjy pıramıdasynyń áreketinen zardap shekse, QMA sall-ortalyǵyna nemese kórsetilgen nómirlerge habarlasýyńyzdy suraımyz», - dep jazylǵan agenttik habarlamasynda.