Shymkenttik júrgizýshi jarty jylda 178 ret jol erejesin buzǵan

NUR-SULTAN. QazAqparat – Shymkentte júrgizýshi jarty jyldyń ishinde jol erejesin 178 ret buzǵan. Bul týraly Ortalyq kommýnıkatsııalar qyzmetinde ótken brıfıngide QR Іshki ister mınıstrligi Ákimshilik polıtsııa komıtetiniń tóraǵasy Atyǵaı Arystanov aıtty, dep habarlaıdy QazAqparat tilshisi.

«Byltyr Shymkent qalasy boıynsha 1000-nan astam kamera ornatyldy. Bir jyldyń ishinde jol qozǵalysy erejesin buzý faktileriniń 70 paıyzyn osy kameralar tirkedi. Shymkenttik júrgizýshilerge salynǵan aıyppuldar mólsheri 2,2 mlrd teńge boldy. Mysaly, jarty jyldyń ishinde 178 ret jol qozǵalysy erejesin buzǵan júrgizýshi anyqtaldy. Onyń aıyppuldarynyń jalpy somasy 4,5 mln teńge bolǵan», - dedi Atyǵaı Arystanov.

Ol atalǵan óńirdiń júrgizýshilerin joldarda abaıbolýǵa shaqyrdy. Komıtet tóraǵasynyń aıtýynsha, tsıfrlyq tehnologııalardyń kómegimen jol ereesiniń saqtalýyna úles qosyp júrgen qarapaıym azamattardyń qatary artyp keledi.

«Mysaly, «102» mobıldik qosymshasyn iske qostyq. Bul qosymsha arqyly azamattar aýdıo- nemese beıne qońyraý shalý arqyly ishki ister organdaryna júgine alady, ýákiletti organǵa ákimshilik quqyq buzý faktilerin dáleldeıtin fotolar men beınematerıaldar joldaýǵa bolady», - dedi ІІM ókili.

Osy sharada Atyǵaı Arystanov jyl basynan beri 2600 jol-kólik oqıǵasy bolyp, 410 adam kóz jumǵanyn málim etti.