Shymkenttik jumysshylar zańsyz eńbek mıgratsııasyna shaǵymdanǵan

NUR-SULTAN. QazAqparat – Shymkent qalasyndaǵy kompanııalardyń birinde jumysshylar shetelden zańsyz keletin jumysshlardyń kóptigine shaǵymdanǵan, dep habarlaıdy QazAqparat tilshisi.

Bul týraly QR Kóshi-qon qyzmeti komıteti tóraǵasynyń orynbasary Sabyrjan Seıitjanov Kásipkerlerdiń quqyǵyn qorǵaý jáne sybaılas jemqorlyqqa qarsy is-qımyl jónindegi keńestiń otyrysynda aıtty.

«Kóshi-qon qyzmetiniń ókilderi kásipkerlerdi emes, sheteldik jumysshylardyń qujattaryn tekserýmen aınalysady. ıAǵnı, qarjylyq-sharýashylyq qyzmetin teksere almaımyz. Jýyqta ǵana bolǵan bir oqıǵany mysalǵa alýǵa bolady. Keshe ǵana shymkenttik «Shymkent krepej» JShS-nde Qazaqstan azamattary jınalyp, kompanııanyń olardyń qyzmetinen bas tartqanyna narazylyq bildirdi. Jınalǵandardyń barlyǵy - Túrkistan oblysy men Shymkent qalasynyń turǵyndary. Olardyń aıtýynsha, jergilikti kásiporynda Qytaı, Qyrǵyzstan, Ózbekstan azamattary zańsyz kirip, jumys istep júrgen. Mamandarymyz dereý oqıǵa ornyna baryp, tekserý júrgizgen bolatyn. Aıtqandary shyn bolyp shyqty», - deıdi Sabyrjan Seıitjanov.
Komıtet ókili el aýmaǵyna zańsyz kirgen azamattardyń jaýapqa tartylǵanyn atady.