Shymkenttik jastar «Janǵa jylý» qaıyrymdylyq aktsııasyn uıymdastyrdy

ShYMKENT. QazAqparat – Memleket basshysy Qasym-Jomart Toqaev qazaqtyń asar dástúri volonterlyqpen úndesetinin, sol sebepti aǵymdaǵy jyly qaıyrymdylyq jasaýdy zamanǵa saı jańǵyrtý qajet ekenin málimdegen edi. Osy maqsatta Shymkent qalalyq Jastar resýrstyq ortalyǵy «Janǵa jylý» qaıyrymdylyq aktsııasyn turaqty túrde uıymdastyrýdy qolǵa aldy, dep habarlaıdy QazAqparat tilshisi.

Osy maqsatta uıymdastyrylǵan «Janǵa jylý» qaıyrymdylyq aktsııasy barysynda kómekke muqtaj 50 januıaǵa azyq-túlik sebetteri taratyldy. Onda turmystyq kóp tutynatyn un, qant, aq maı, makaron, grechka, shaı, pechene, táttiler men áleýmettik az qamtylǵan otbasylardyń balalaryna demeýshilerdiń kómegimen kıim-keshek berildi. Aktsııaǵa atsalysqandar qatarynda kásipkerler, erikti jastar, qalalyq jastar máslıhatynyń músheleri men tanymal óner juldyzdary bar.

«Únemi qaıyrymdylyq aktsııalaryna atsalysýǵa tyrysamyn.Sebebi, jaqsylyq jasaý jas tańdamaıdy. Júrektegi meıirimdi is-áreketimiz arqyly kórsete bilýimiz qajet, -dep oılaımyn. Shymkenttik erikti jastardyń bastamasyna barsha nıetti azamattardy qoldaý bildirýge shaqyryp, kásipkerler, tanymal óner azamattary men belsendilerge atsalysýǵa qoldaý bildirýge baılanysty úndeý joldaımyn»,- deıdi vaıner ári jastar máslıhatynyń depýtaty Zarına Nurjanova.

Aldaǵy ýaqytta shym shaharda «Janǵa jylý» qaıyrymdylyq aktsııasyn turaqty túrde uıymdastyrý josparlanyp otyr. Oǵan qala turǵyndaryn belsendi túrde atsalysýǵa qatysty úndeý jarııalandy.