Shymkenttik jastar qala tazalaýshylarǵa tańǵy as úlestirdi

ShYMKENT. QazAqparat – Shymkentik erikti jastar qala tazalyǵyna úles qosyp júrgen kommýnaldyq mekeme qyzmetkerlerine tańǵy as úlestirildi, dep habarlaıdy QazAqparat tilshisi.

Búginde jappaı tártipsizdik saldarynan zardap shekken qala aýmaǵy tazartylyp jatyr. Bul jumystarǵa qaladaǵy kommýnaldyq mekeme qyzmetkerleri tartylǵan. Kúnniń sýyǵyna qaramastan tańerteńmen tazalaý jumystaryn júrgizetin jandarǵa erikti jastar jylýlyq syılady. Táttiler salynǵan qobdıshadaǵy tańǵy asty taratyp, alǵysyn aldy. Qaıyrymdylyq sharaǵa «Aizhamal tattileri» dúkender jelisi demeýshilik jasady. Oblystyq jastar ortalyǵy uıymdastyrǵan aktsııaǵa jastar belsendi túrde qatysty.

Sondaı-aq, Shymkent qalalyq máslıhatyndaǵy «Nur Otan» partııasy fraktsııasy músheleri, kásipker Baıken Áshirbaev pen Murat Joldyhojaev táýlik boıy qaýipsizdikti qamtamasyz etý maqsatynda 200 azamattan turatyn eriktiler tobyn qurýǵa úlesterin qosty. Olar qalanyń tynyshtyǵyn kúzetip turǵan áskerıler pen polıtsııa qyzmetkerlerine kómektesip júr.

Al, «Jas tolqyn» bastaýsh partııa uıymynyń tóraıymy Nargıza Kerımbaeva ystyq tamaq pen qajetti zattardy jetkizýde.

Joǵary oqý oryndarynyń ujymdary men stýdentteri tótenshe jaǵdaı saldarynan zardap shekken naýqastar úshin qan tapsyryp jatyr.